Kryeministri Edi Rama ka reaguar për vizitën e paralajmëruar të sekretarit amerikan të Shtetit, Antony Blinken në Tiranë më 14 shkurt. Në një postim të gjatë në rrjetet sociale, kreu i ekzekutivit shprehet se vizita e sekretarit amerikan të Shtetit, është një vlerë e veçantë për Shqipërinë që mbetet plotësisht e angazhuar në partneritetin strategjik me SHBA-të dhe NATO-n.
Mes të tjerash, Rama shkruan se Blinken do të gjejë një Shqipëri ku falë mbështetjes së SHBA-ve, ka pasur një reformim të institucioneve të drejtësisë që ka sjellë rilindjen e besimit tek institucionet falë goditjeve anti-korrupsion në nivele të larta që kanë sjellë arrestimin e zyrtarëve dhe ish-zyrtarëve të lartë të përfshirë në veprimtari të jashtëligjshme.
“Sekretari Blinken do të gjejë një Shqipëri mirënjohëse për miqësinë e pazëvendësueshme dhe për mbështetjen pa rezerva të Shteteve të Bashkuara në rrugën e transformimit tonë rrënjësor, e posaçërisht në këtë kohë një Shqipëri falënderuese për partneritetin e çmuar të Shteteve të Bashkuara në reformimin historik të sistemit të drejtësisë, ku qeveria që unë kam privilegjin të udhëheq mbetet vendosmërisht garante e pavarësisë së drejtësisë së re, në përpjekjen e madhe për zhbërjen e kulturës së vjetër të pandëshkueshmërisë. Rilindja e besimit të publikut tek drejtësia, falë disa goditjeve kuptimplota antikorrupsion në nivelet më të larta, është një arritje e parë kuptimplotë në rrugën e re të shtetbërjes demokratike, ku vendosja e sundimit të barabartë të ligjit përbën kushtin themelor të ndarjes epokale me të shkuarën njëqind e kusur vjeçare të pabarazisë para ligjit në këtë vend”- shkruan kryeministri ndër të tjera.
Rama shkruan më tej se pjesë e diskutimeve në takimin me Blinken do të jetë edhe ftesa për investime amerikane në ekonominë shqiptare si dhe promovimi i vendit në mënyrë që të ketë një rritje edhe të turistëve që vijnë nga SHBA.
“Prandaj Sekretari Blinken do të gjejë në Shqipëri edhe ftesën tonë që ai dhe pala amerikane në tërësi, t’i inkurajojnë kompanitë e vendit mik të investojnë në sektorët strategjikë të ekonomisë shqiptare, e po ashtu t’i nxisin edhe bashkëqytetarët e tyre të vizitojnë Shqipërinë turistike, e cila tanimë është ngjitur me plot meritë në ligën kryesore të turizmit mesdhetar”- shkruan kryeministri.
Postimi i plotë i Ramës:
Ardhja e një Sekretari të Shtetit në këto kohë kaq të trazuara për botën, si edhe zgjedhja për ta vizituar rajonin tonë duke u ndalur pikërisht në kryeqytetin tonë, kanë një vlerë të veçantë për Shqipërinë. E teksa përgatitemi për t’i uruar mirëseardhjen mikut të çmuar, dua të rinënvizoj angazhimin e plotë të Shqipërisë në partneritetin strategjik me Shtetet e Bashkuara.
Sekretari Blinken në Tiranë do të gjejë një vend aleat të angazhuar për paqen, stabilitetin demokratik dhe bashkëpunimin e gjithanshëm në rajonin tonë. Shqipëria i ka shtrirë dorën e miqësisë të gjithëve në rajon dhe mbështet pa asnjë rezervë përpjekjet e Bashkimit Europian e të Shteteve të Bashkuara për normalizimin e marrëdhënieve midis Kosovës dhe Serbisë, si një çelës i padiskutueshëm strategjik për sigurinë, zhvillimin dhe mirëqënien e bashkësisë së popujve tanë në zemër të Europës, ku e shkuara e mbushur me tragjedi, konflikte e prapambetje, duhet t’ia lerë njëherë e mirë vendin të ardhmes së mbushur me mundësi, partneritete e zhvillim.
Ai do të gjejë një vend të përkushtuar të NATO-s, një anëtar të gatshëm të Aleancës Euro-Atlantike për të vazhduar investimet e gjithanshme për rritjen e kapaciteteve mbrojtëse, në bashkëpunim të ngushtë me Shtetet e Bashkuara. Shqipëria është vijimësisht gati të angazhojë trupa dhe burime të reja, në kuadrin e angazhimit kolektiv të të gjitha vendeve anëtare për fuqizimin e NATO-s, në mbrojtje të vlerave të patjetërsueshme që mishërojnë vetë arsyen ekzistenciale të komunitetit tonë demokratik. Vendi ynë është në krah të Shteteve të Bashkuara në luftën kundër terrorizmit e në kundërvënien ndaj çdo shembëlltyre të totalitarizmit dhe Sekretari i Shtetit do ta gjejë Shqipërinë të vendosur pa rezervë në mbështetjen e luftës së Ukrainës mike për lirinë dhe mbijetesën e saj.
Sekretari Blinken do të gjejë një Shqipëri mirënjohëse për miqësinë e pazëvendësueshme dhe për mbështetjen pa rezerva të Shteteve të Bashkuara në rrugën e transformimit tonë rrënjësor, e posaçërisht në këtë kohë një Shqipëri falënderuese për partneritetin e çmuar të Shteteve të Bashkuara në reformimin historik të sistemit të drejtësisë, ku qeveria që unë kam privilegjin të udhëheq mbetet vendosmërisht garante e pavarësisë së drejtësisë së re, në përpjekjen e madhe për zhbërjen e kulturës së vjetër të pandëshkueshmërisë. Rilindja e besimit të publikut tek drejtësia, falë disa goditjeve kuptimplota antikorrupsion në nivelet më të larta, është një arritje e parë kuptimplotë në rrugën e re të shtetbërjes demokratike, ku vendosja e sundimit të barabartë të ligjit përbën kushtin themelor të ndarjes epokale me të shkuarën njëqind e kusur vjeçare të pabarazisë para ligjit në këtë vend. Për të vazhduar me sukses në këtë rrugë tejet sfiduese, asistenca e pandërprerë e Shteteve të Bashkuara në rritjen e forcimin e kapaciteteve tona është pa dyshim, një ndër kushtet e patjetërsueshme të kësaj faze vendimtare për konsolidimin pa kthim të shtetit të së drejtës dhe për rifitimin e aq shumë kohe të humbur në të kaluarën e afërt, për anëtarësimin e Shqipërisë në Bashkimin Europian.
Sekretari i Shtetit do të gjejë një Shqipëri në punë, me rritje të vazhdueshme ekonomike e me vullnet të prekshëm transformues në sektorin publik dhe atë privat, por edhe me vetëdijen e plotë të boshllëqeve e të mangësive ende të shumta, të cilat duhen adresuar përmes thellimit të reformave që garantojnë mirëqeverisjen në çdo nivel, fuqizojnë komunitetet vendore, promovojnë barazinë gjinore, stimulojnë grupet e interesit, përshpejtojnë modernizimin, sigurojnë zhvillimin e qëndrueshëm. Prandaj Sekretari Blinken do të gjejë në Shqipëri edhe ftesën tonë që ai dhe pala amerikane në tërësi, t’i inkurajojnë kompanitë e vendit mik të investojnë në sektorët strategjikë të ekonomisë shqiptare, e po ashtu t’i nxisin edhe bashkëqytetarët e tyre të vizitojnë Shqipërinë turistike, e cila tanimë është ngjitur me plot meritë në ligën kryesore të turizmit mesdhetar.
Mirësevini zoti Sekretar!
Shtëpia e shqiptarit është e Zotit dhe e mikut.
Miqësia Juaj na nderon!
Departamenti Amerikan i Shtetit njoftoi 2 ditë më parë se Blinken do të vizitojë Shqipërinë në datën 14 shkurt për të riafirmuar fuqinë e marrëdhënieve me SHBA-të, duke e konsideruar vendin tonë një partner kyç për stabilitetin në rajonin e Ballkanit Perëndimor. Pas Shqipërisë, Blinken do të zhvillojë një vizitë zyrtare edhe në Gjermani.
Vizita e Antony Blinken në Tiranë pritet të jetë historike edhe për faktin se ai është kreu i diplomacisë amerikane që me firmë të tij në maj 2021 shpalli ish Kryeministrin Sali Berisha 'non grata' për korrupsion dhe minim të demokracisë shqiptare.
Komente
Lajme të tjera
-
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13
Partneriteti strategjik me SHBA eshte fat por edhe pergjegjesi e interes jetik per Shqiperine e shqiptaret!
Përgjigjuaman kush do te beje drejtesi kryetari i spakut qe merre shtepi dhurate nga ....., apo gjyqtare dhe prokureret qe kercenojne dhe pergjiojne njeri tejetrin, ku esjhte kjo drejtesi se nuk po e shohim Shqiperia mre eshte bere me kec se Gaza. mjer ne e femijet atne
PërgjigjuPolitika e jashtëme e Tiranës e sukseshme si kurrë ndonjë herë faktet flasin si kjo e diplomatit nr.1 në botë
PërgjigjuPolitika e jashtëm shqipētare me rezultate të forta si kurrë ma parë ngjarjet e kanë dëshmua si kjo e diplomatit aktual nr.1 në Botë
Përgjigjuo zot hajduti thote ,,e kemi kapur hajdutin...
PërgjigjuVetem me ish...asnje ne detyre...kaq
PërgjigjuJemi ne merak o Edi o te keqen se mos ka ardhur per ty non grata kete merak ka motra jote na more ne qaf pastaj kush e duron kete Bacin e Topanas pastaj
PërgjigjuLe nam o Rams ngele me proagand o mavri me boj.shiko mos te leshojn ndonje siluro ata gringot ty
PërgjigjuKy Blinken ben mire te na beje publike ate listen e zeze me politikane shqiptare… Se ska mundesi qe e keqja e vetme e ketij vendi na qenka Saliu. ndryshe do ishte nivel i larte tallje trapi.
PërgjigjuJO VETEM BANDIT SAHALE POR EDHE FAMILIA
hahahaha Leter dashnie nga Surreli
PërgjigjuSamitin e Zelenskit te dt 16 ky e intrepretron si i teket
PërgjigjuBesimi ne Drejtesi, ka filluar te ringjallet. POR, ai te klasa politike, ... zPERTOKE!
PërgjigjuYxhym e vuxhut per edvinin qe ta mbajne gjunjet edhe pak kohe
PërgjigjuMos KI MERAK SE DO TE VIJE SHUM SHPEJT DITA EDHE TY DI E DIN SHUM MIR, NGA INFORMACIONET QE TE KAN ARDH NGA AMERIKA. SDO DALESH I PALAGUR
PërgjigjuDo vij dhe pas ketij do priten shume koka rreth rames , se dim do shkoj deri tek rama apo jo por e sigurt qe Lali , Damiani e co do ta haneeee
PërgjigjuKrimin dhe korrupsionin. Saliu është niveli i ulët krahasuar me ata sipër tij.
PërgjigjuLajmi madh për Shqipërinë për ardhjen në Tiranë të Nr.2 të Amerikës & botës-Blinken.Kjo do të thot se Shqipëria,KM Rama e meriton për ta vizituar një mik i madh. -Ne besojmë se Amerika e di mirë se ka edhe disa që nuk e duan Amerikën pasi jan shpallur në listën e zezë për Korrupsion nga Amerika. -Ndaj Z.Blinke duhet ta bëj të padëmshëm Sb për Shqipërinë,Ballkanin,Europën dhe vet Amerikën,duke e izoluar plotësisht nga politika aktive & militantët e korruptuar prej Tij në 33 vite. -Amerika e fali shumë gjat Sb ndonse bëri shumë krime në Shqipëri duke përdhosur demokracinë me disa grushte SHTETI,Duke injoruar 7 nga 8 Ambadador Amerikan,duke urdhëruar vrasje në Gërdec,21 janar,etj pa ndëshkim,pasi kapi drejtësinë 100% që në 1992 dhe medjet në 2005= 99 %. -Shqipëtarët presin më shumë nga AMERIKA.
PërgjigjuErdhi blinkeni shpetum or tejjjj
Ngelem gjithmone duke pritur nga te tjeret or teeeejjjjj
Serviliteti ka arrit ne neveritje nga politika shqiptare nndaj te huajve dhe ne vecanti amerikaneve
Përgjigju