Sekretari amerikan i Shtetit, Antony Blinken, njeriu i cili në maj 2021 shpalli Sali Berishën  'non grata' nga SHBA për korrupsion dhe minim të demokracisë do të udhëtojë drejt Tiranës javën e ardhshme. Njoftimi për vizitën e tij u bë e ditur nga Departamenti amerikan i Shtetit, dhe bëhet me dije se do të vizitojë Tiranën më 14 shkurt.

"Sekretari Amerikan i Shtetit Antony J. Blinken do të udhëtojë në Tiranë, Shqipëri dhe Mynih, Gjermani, nga 14-17 shkurt. Në Tiranë, Sekretari Blinken do të riafirmojë fuqinë e marrëdhënieve të Shteteve të Bashkuara me Shqipërinë, një partner kyç për stabilitetin në Ballkanin Perëndimor dhe një aleat i fortë në mbështetjen e sovranitetit dhe integritetit territorial të Ukrainës" shkruhet në njoftimin e faqes zyrtare DASH

E pikërisht njoftimi për vizitën e tij të Departamentit Amerikan të Shtetit shkatërroi përfundimisht humorin e Rithemelimit.

Sot duke e konsideruar vizitën e Blinken një lajm të rremë e të sajuar nga ‘dëshpërimi i qeverisë’ Alfred Lela, zëdhënësi i të arrestuarit Sali Berisha komentoi për Syri: Vizita e nr. 2 të qeverisë amerikane në Tiranë është lajm i bujshëm, edhe në kushte normaliteti politik. Në anormalitetin ku jemi, shkaktuar në pjesën më të madhe edhe nga vendimi, po i Sekretarit Blinken, për të shpallur non-grata Sali Berishën, vizita e tij do të kishte efekte nukleare”.

Tani qe vizita u konfirmuar zyrtarisht nga Departamenti Amerikan i Shtetit presim rezultatet e kësaj bombe atomike për të ardhme politike të Berishës dhe klanit të tij. Kujtojmë se shpallja non grata nga SHBA u shoqërua me një sulm frontal nga Berisha në adresë të Blinken.

Kjo është vizita e parë sekretarit amerikan Blinken në Shqipëri. Në Gjermani, ai do të marrë pjesë në Konferencën e Sigurisë të Munihut, ku do të diskutojë për Ukrainën, Lindjen e Mesme dhe sigurinë transatlantike, bëri të ditur DASH. Po ashtu sekretari Blinken ka qenë aktiv përmes mesazheve për de-eskalikin e situatës së tensionuar në veri të Kosovës, shtatorin e vitit të shkuar.

Antony Blinken do të bëhet Sekretari i gjashtë amerikan i Shtetit që vjen në Shqipëri për një vizitë zyrtare, pasi më parë në Tiranë kanë shkelur James Baker, Madeleine Albright, Collin Pwell, Hillary Clinton dhe John Kerry.

Rendit zhvillimet sipas orarit:
Ora 22:57
Antony Blinken në Tiranë, do të takohet me kreun e SPAK Altin Dumanin

1707501877_antonyblinken.JPG

Sekretari amerikan i Shtetit, Antony Blinken, njeriu i cili në maj 2021 shpalli Sali Berishën  'non grata' nga SHBA për korrupsion dhe minim të demokracisë do të udhëtojë drejt Tiranës javën e ardhshme më 14 shkurt. Lajmi u konfirmua nga vetë DASH.

Përmes kësaj vizite sekretari Blinken synon të ritheksojë mbështetjen amerikane ndaj prokurorisë speciale SPAK. Sa i përket se kë do të takojë të Blinken në Tiranë, sugjerohet se në agjendën e deritanishme parashikohen vetëm dy takime. Me kryeministrin Edi Rama dhe kreun e SPAK Altin Dumani, raporton Top Channel.

Sekretari Blinken po ashtu do të takohet me stafin e ambasadës amerikane në Tiranë për ti falënderuar, në përçimin dhe zbatimin e direktivave të DASH në forcimin e demokracisë shqiptare e përmbushjen e një prej prioriteteve të administratës Biden, luftën ndaj korrupsionit në nivel global.

M.Q./Shqiptarja.com