TIRANË - Në vetëm dy ditë shkon në 63 numri i personave të arrestuar për vjedhje të energjisë elektrike dhe në 24 numri i të shpallurve në kërkim. Policia e Tiranë ka publikuar mbrëmjen e kësaj të mërkure detaje nga operacioni kundër vjedhjes së energjisë në të gjithë vendin, ku bëhen më dije se janë arrestuar edhe 2 elektricistë.
 
Sipas drejtorit të policisë së Tiranës, Ardian Cipa, vetëm sot në kryeqytet janë arrestuar 17 persona, ndër të cilët 1 elektricist.
 
Në konferencën e përbashkët për shtyp, administratori i OSHEE Arben Seferi paralajmëroi se pas biznesit operacioni do të shtrihet edhe te familjarët. 


Aksioni i policisë së Shtetit dhe OSHEE

Nga Drejtoria e Policisë së Qarkut Tiranë janë arrestuar në flagrancë 17 persona, si dhe janë shpallur në kërkim 8 të tjerë.
Nga Drejtoria e Policisë së Qarkut Durrës janë arrestuar 7 persona dhe janë shpallur në kërkim 3 të tjerë.
Nga Drejtoria e Policisë së Qarkut Fier janë arrestuar në flagrancë 7 persona dhe janë shpallur në kërkim 2 persona.
Nga Drejtoria e Policisë së Qarkut Vlorë janë arrestuar 6 persona.
Nga Drejtoria e Policisë së Qarkut Berat janëarrestuar 4 persona.
Nga Drejtoria e Policisë së Qarkut Gjirokastër janë arrestuar 4 persona.
Nga Drejtoria e Policisë së Qarkut Elbasan janëarrestuar 3 persona.
Nga Drejtoria e Policisë së Qarkut Shkodër janë arrestuar 5 persona dhe janëshpallur në kërkim 3 persona.
Nga Drejtoria e Policisë së Qarkut Korcë janë arrestuar 4 persona dhe është shpallur në kërkim një person.
Nga Drejtoria e Policisë së Qarkut Lezhë janë arrestuar 5 persona dhe janë shpallur në kërkim dy persona të tjerë.
Nga Drejtoria e Policisë së Qarkut Kukës është arrestuar 1 person dhe është shpallur në kërkim një tjetër.