Vjedhja e pikturave në Korçë
Zyrtarët e galerisë akuza njëri-tjetrit
Për vjedhjen e 64 pikturave nga galeria e arteve “Guri Madhi” të Korçës, ish-drejtori i qendrës kulturore “Vangjush Mio”, Vladimir Topi, ka akuzuar përgjegjësin e galerisë, Sotiraq Xega, ndërsa ky, Topin.
KORCE - Përforcohen dëshmitë dhe faktet për zhdukjen e 64 pikturave nga galeria e arteve “Guri Madhi”, ngjarje kjo e regjistruar në qytetin e Korçës në korrik të vitit 2011. Pas ndarjes së gjykimeve mes dy të akuzuarve kryesorë për shpërdorim detyre, Vladimir Topit dhe Sotiraq Xegës, në seancën e radhës iu është përgjigjur pyetjeve të prokurorit Elisjon Sadikaj, ish-drejtori i qendrës kulturore “Vangjush Mio”, Vladimir Topi i cili ka larguar nga vetja përgjegjësinë ndërsa ka akuzuar përgjegjësin për dhjetë vjet të galerisë, piktorin Xega.
Nëpërmjet dëshmisë së tij është vërtetuar edhe njëherë se pikturat e galerisë së arteve nuk kanë qenë të gjitha të kartelizuara, ndërsa ka munguar inventari fizik i tyre.
“Kartelizimi i pikturave ka filluar në vitin 1999-të. Por, vetëm një pjesë e tyre janë kartelizuar, nuk e di pse pjesa tjetër jo. Mbase janë lënë pas dore ose se procesi ka qenë në vijim. Të gjithë që vinin kontaktonin me Xegën”, -ka deklaruar në dëshminë e tij Vladimir Topi.
Më pas ka qenë organi i akuzës që ka lexuar me detaje dëshmitë e dhëna nga piktori Xega, në seanca të ndryshme. Në deklaratat e tij ish-përgjegjësi, Sotiraq Xega ka hedhur akuza mbi ish -drejtorin Vladimir Topi si dhe magazinierin,Vaskë Nico. Pikturat sipas tij janë marrë prej tyre. Xega ka hedhur dyshime se pikturat e galerisë mund të jenë shitur apo dhuruar dhe sipas tij, një i është dhuruar kryebashkiakut të Selanikut nga kreu i bashkisë Korcë, Niko Peleshi.
Duke vijuar më tej në deklaratat e tij, piktori është shprehur gjithashtu se pikturat asnjëherë nuk janë ruajtur ashtu si ju takon veprave të artit, por janë lënë pas dore. Njëherësh ai ka deklaruar se fondin e ka marrë në mirëbesim dhe e ka ruajtur me fanatizëm për dhjetë vjet, por dyert e fondit hapeshin nga punonjës të qendrës kulturore pa praninë e tij.
“Kam kapur punonjësin e qendrës kulturore Vaske Nico dhe një specialist çelësash duke hapur derën e fondit”, -është shprehur Xega në hetuesi dhe sipas tij të dy u justifikuan se kishin ngatërruan derën që donin të shqyenin.
“Për ketë kam vënë në dijeni dhe drejtorin, por ky i fundit më ka thënë nuk ka gjë. Ndaj dyshoj se vjedhjet janë kryer nga ish-drejtori Vladimir Topi dhe Vaske Nico”, tha më tej Xega.
Akuzat e bërë nga piktori Sotiraq Xega, ish-drejtori Topi i ka cilësuar gënjeshtra dhe të pabaza.
Ndërkohë gjyqi për shkak të impenjimeve të avokatit mbrojtës së Vladimir Topit u shty për në datën 20 mars.
Redaksia Online
(Gre.M/Shqiptarja.com)
Sondazhi i ditës:
Kabineti i ri qeveritar, jeni dakord me ndryshimet e bëra nga Rama?
-
Po
51.3%
-
Jo
34.7%
-
Nuk e di
13.9%
Vota total: 3738
Votat totale janë unike
Lajme të tjera
-
Aksident në aksin Korçë-Bilisht, përfshihen 3 mjete! Plagosen 8 persona
29 Korrik, 19:41
-
Zjarri në malin e Shëngjinit, nis ndërhyrja nga ajri! Flakët i afrohen zonës së 'Ranës së Hedhur'
29 Korrik, 19:34
-
'Berisha gënjeu kur tha se i donte listat e hapura, por i mbylli PS', Lulzim Basha: Janë bërë si kamikazë dhe nuk lenë qytetarët të zgjedhin deputetët
29 Korrik, 19:30
-
Edmond Haxhinasto e Nasip Naço ish- ministrat krushq dhe rivalë bëhen gjyshër! Postojnë foton e nipit
29 Korrik, 19:13
-
Kaluan afatet e hetimit, GJKKO i shuan masën e sigurimit ish-kryebashkiakes së Patosit Rajmonda Balilajt
29 Korrik, 18:46
-
Banorët e Krujës e Fushë-Krujës sërish në protestë! Bllokojnë aksin Thumanë-Kashar, përplasen me policinë (VIDEO)
29 Korrik, 18:43
-
Ylli Pata: Deputetë nga interneti: pse Rama kërkon kandidatë jashtë PS?
29 Korrik, 18:29
-
PAMJE/ Aksidenti i vogël që bllokoi qarkullimin e mjeteve në Tiranë-Durrës! 8 km radhë nga Maminasi deri pranë mbikalimit të Kasharit
29 Korrik, 18:02
-
Iu bë atentat me armë zjarri gjatë fjalimit, Donald Trump do të merret në pyetje nga FBI
29 Korrik, 18:00
-
356 mijë banesa të pabanuara sipas Censit 2023, por 135 mijë familje jetojnë me qira! Eksperti: Kredia, mundësia e vetme e çifteve për të blerë shtëpi
29 Korrik, 17:31
-
Jahti i sheikut Abdullah Bin Zayed në portin e Durrësit, furnizohet me naftë nga ‘Bolv Oil’! Shehu: Kompania, lider në sektorin e tregtisë së karburanteve
29 Korrik, 17:27
-
Detyrimet e papaguara/ 4 bashki thellojnë borxhin! Kavaja rekord, arrin në 818 mln lekë
29 Korrik, 17:16