POP 5

Lajmet më të lexuara të 5 minutave të fundit

Kronikë

EKSKLUZIVE/ Vjen lajmi i SHUMËPRITUR - Nxirret nga kampi i kurdëve Alvin Berisha

Është nxjerrë nga kampi Al-Hol në Siri, 11-vjeçari shqiptar, Alvin Berisha, referuar mediave në gjuhën arabe dhe tani ndodhet në një vend të sigurt. Operacioni i shpëtimit u realizua në bashkëpunim me "Gjysëm Hënën siriane", Kryqi i Kuq ndërkombëtar dhe autoritet italiane dhe shqiptare. Të kontaktuar nga Shqiptarja.com, asnjë nga autoritetet shqiptare nuk e konfirmon lajmin.

TIRANE - Shqiptarja.com mëson se është nxjerrë nga kampi Al-Hol në Siri, 11-vjeçari shqiptar, Alvin Berisha, referuar mediave në gjuhën arabe dhe tani ndodhet në një vend të sigurt.

Sipas këtyre burimeve, operacioni ende nuk ka mbaruar por shumë shpejt Alvin mund të ribashkohte me babain e tij që ndodhet në Itali.

Operacioni i shpëtimit u realizua në bashkëpunim me "Gjysëm Hënën siriane", Kryqi i Kuq ndërkombëtar dhe autoritet italiane dhe shqiptare. Të kontaktuar nga Shqiptarja.com, asnjë nga autoritetet shqiptare nuk e konfirmon lajmin.

Priten nga minuta në minut më shumë detaje.

Historia e tij theu zemrat e shumë personave, pasi babai i tij, Afrim Berisha, e kërkonte prej vitit 2014, kur nëna e tij shqiptare, braktisi familjen në Itali ku jetonin prej vitesh dhe e mori Alvinin, në atë kohë 6 vjeç, në kampin Al Haul në Siri, (kufi me Turqinë). Jeta atje u kthye në tragjedi.  Nëna e tij shqiptare, që kohët e fundit para se ta rrëmbente nga babai kishte vënë shami, kishte nisur të lutej dhe kishte shfaqur sjellje radikale, kishte vdekur në kamp së bashku me një burrë të huaj që ishte martuar. Alvini mbeti i vetëm, dhe pas përpjekjeve të shumta të babait të tij, emisioni investigativ "le Iene" arriti të gjejë Alvinin dhe të bëjnë takimin përlotës mes babait dhe djalit pas 5 vitesh. Por sërish u ndanë me lot: Alvini nuk mund të nxirrej nga kampi nën pushtetin kurd, mbi të gjitha me rritjen e tensioneve mes Turqisë dhe Sirisë. I dëshpëruar, babai i Alvinit ktheu sytë nga shteti shqiptar, ku kërkoi ndërhyrjen e kryeministrit Edi Rama, i cili edhe pse pranoi të ishte një situatë e vështirë, tha se do të bënte gjithçka për ta kthyer Alvinin pranë babait, dhe dy motrave, përmes po një plani me partnerët strategjikë për nxjerrjen nga kampi të Alvinit dhe shqiptarëve të tjerë të bllokuar.

Alvini me babain e tij, Afrim Berisha

Kampi me mbi 70 mijë persona ka me mijëra fëmijë, shumica e të cilëve kanë lindur aty, dhe gjithçka është në kufijtë e mbijetesës. Al Hawl është kampi më i madh në kufi me Turqinë, 29 mijë gra ndodhen aty jo vetëm nga Lindja e Mesme por edhe Evropa, gra luftëtarësh të ISIS.

G.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Bravo: 06/11/2019 13:24

    Bravo-bravo-bravo.

    Përgjigju
  • ERP: 05/11/2019 18:39

    Shpresojme te jete lajm i vertete e te kthehet sa me shpejt ne shtepi. Lajm shume i mire

    Përgjigju
  • Erik: 05/11/2019 17:00

    Pergezime kush ndihmoi ne nxjerrjen e tij nga kampi, uroj sa me pare ta lere ate vend te nemur dhe te bashkohet me familjen.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46