POP 5

Lajmet më të lexuara të 5 minutave të fundit

Kronikë

Vjosa, lumi i fundit i egër në Europë
228 shkencëtarë në botë e mbështesin

Vjosa, lumi i fundit i egër në Evropë merr mbështetje 228 shkencëtarë nga 33 shtete të Botës.
Çështja e lumit Vjosa tashmë është bërë një çështje ndërkombëtare dhe pas ndërgjegjësimit të mediave ndërkombëtare më në zë dhe më pas të Parlamentit Evropian mbi rëndësinë e këtij lumi këtë herë me rastin e Ditës Botërore të Lumenjve (25 shtator), lumi i fundit i egër në Evropë merr mbështetje nga shkencëtarë të shquar nga e gjithë bota.
 
Në një memorandum të përbashkët, 228 shkencëtarë nga 33 shtete të ndryshme të Botës i kërkojnë Kryeministrit të Shqipërisë Edi Rama të mbrojë Vjosën dhe të ndalojë ndërtimin e hidrocentraleve, të paktën në tre vitet e ardhshme.
 
Gjatë kësaj periudhe kohore, duhet të kryhet një vlerësim i duhur i Ndikimit në Mjedis në këtë lumë i cili ndodhet në një gjendje pothuajse tërësisht të paprekur.
 
Kohët e fundit, Qeveria Shqiptare i ka dhënë një kompanie turke koncesionin për ndërtimin e hidrocentralit të Poçemit. Megjithatë licenca nuk është dhënë ende, ashtu si dhe deklarata mjedisore.
 
Ndër firmëtarët janë dhe ajka e shkencëtarëve ndërkombëtarë për lumenjtë, si Profesor Robert Naiman nga Universiteti i Uashingtonit, i cili është dhe Drejtor i UNESCO-s mbi Lumenjtë e Qëndrueshëm; Profesor Geoff Petts nga Universiteti i Westminster, apo profesori gjerman Michael Succoë,  i nderuar me Çminin Alternativ NOBEL (Çmimi E drejta e Jetesës. 

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Mero Baze: Përpjekjet e Berishës për të vënë “në provë” Belind Këlliçin dhe të tjerët

Mero Baze: Përpjekjet e Berishës për të vënë “në provë” Belind Këlliçin dhe të tjerët

9 Janar, 19:51 nga Mero Baze