TIRANË- Këshilli i Ministrave ka marrë sot vendimin për shpalljen e 10 zonave në vendin tonë peizazhe të mbrojtura. Mes 10 zonave përfshihet edhe liqeni i Pogradecit, zona Pishë Poro-Nartë apo edhe Bjeshkët e Oroshit në Mirditë. Peizazhet e mbrojtura janë kategoria e pestë e zonave të mbrojtura.
Më poshtë kemi listuar 10 vendet që hynë në kategorinë ‘Peizazh i mbrojtur ujor/tokësor’:
1. Shpallet peizazh i mbrojtur ujor/tokësor zona ‘Bisht-Kamzë’
2. Shpallet peizazh i mbrojtur ‘Bjeshkët e Oroshit’
3. Shpallet peizazh i mbrojtur ‘Kuturman - Qafë-Bushi’
4. Shpallet peizazh i mbrojtur ujor/tokësor zona ‘Rrushkull’
5. Shpallet peizazh i mbrojtur zona ‘Bredhi i Drenovës - Sinicë’
6. Shpallet peizazh i mbrojtur ujor/tokësor lumi Buna, Velipojë
7. Shpallet peizazh i mbrojtur ‘Guri i Nikës - Valamarë - Lenie’
8. Shpallet peizazh i mbrojtur ‘Krastë - Verjon’
9. Shpallet peizazh i mbrojtur ujor/tokësor ‘Liqeni i Pogradecit’
10. Shpallet peizazh i mbrojtur ujor/tokësor ‘Pishë Poro -Nartë’
Ndër veprimtaritë e lejuara në peizazhin e mbrojtur ujor/tokësor janë ato kërkimore-shkencore, me qëllim edukimin mjedisor, veprimtaritë me qëllim monitorimin e gjendjes mjedisore, të ekosistemit, të habitateve dhe të llojeve floristike e faunistike; çdo veprimtari, që lidhet me ndërhyrjet e nevojshme ose urgjente për përmirësimin e biodiversitetit, të rigjenerimit, ose çdo veprimtari tjetër për këtë qëllim, veprimtaritë e zhvilluara në struktura miqësore me biodiversitetin dhe mjedisin, apo veprimtaritë e zhvilluara në struktura akomoduese të turizmit/agroturizmit dhe çdo veprimtari/infrastrukturë tjetër mbështetëse.
Ndërkohë veprimtaritë e ndaluara në peizazhin e mbrojtur ujor/tokësor janë ato të cilat përkeqësojnë, shkatërrojnë dhe/ose çojnë në humbjen e habitateve natyrore, të tilla si kultivimi e mbarështimi i specieve invazive dhe joendemike, të cilat mund të dëmtojnë zinxhirin ekzistues të botës së gjallë të zonës së mbrojtur, fragmentimi i habitateve, grumbullimi i kafshëve të egra, gjuetia, si dhe mbjellja e llojeve monokulturë (në pyllëzime).
Veprimtaritë, që ndryshojnë përdorimin e territorit si ndërtimet, trajtimi i ujërave të zeza në ferma, ndërtimi i autostradave, i kanaleve lundruese dhe i zonave urbane, si dhe veprimtari të ngjashme me këto, lejohen të ushtrohen vetëm nëse subjekti që kërkon të kryejë veprimtarinë është pajisur me leje nga Këshilli Kombëtar i Territorit.
Komente
Lajme të tjera
-
VENDIMI/ Qeveria ngre Zyrën e Administrimit të Parkut Kombëtar të ‘Lumit të Vjosës’! Drejtor, administratë, logo dhe stemë! Selia në Tepelenë
13 Dhjetor, 22:17 -
Rama: 164 mijë persona me aftësi të kufizuara do të mbështeten nga buxheti 2025, program dhe mbështetje sociale
6 Dhjetor, 12:20 -
Qeveria cakton shpërblimet për gardistët: Deri në tre paga plus për ata që shpëtojnë jetën e zyrtarëve të lartë! Deri në 1 mln lekë kompensim në raste dëmtimi të pronës së tyre për shkak të detyrës
4 Dhjetor, 19:07 -
Vendimet e Qeverisë, Ismail Shehu lirohet nga detyra e anëtarit të Këshillit Drejtues të Agjencisë Shtetërore të Kadastrës, e zëvendëson Eduard Ahmeti
4 Dhjetor, 18:42 -
Mbledhja e Qeverisë, Vasilika Vjero largohet nga posti i zv/ministres së Financave pas katër vitesh
27 Nëntor, 18:05 -
Vendimi i Qeverisë/ Zgjatet afati për shqyrtimin e kërkesave të Startup-eve, nga 10 bëhet 30 ditë!
20 Nëntor, 22:40 -
Vendimi i Këshillit të Ministrave/ Rikonstruksioni i linjës 110 kV Ballsh-Marinëz dhe Ballsh–Drenovë, miratohet fondi për shpronësimin e pronarëve
20 Nëntor, 22:14 -
Do krijohet Forca Rezerviste! Zbulohet vendimi i Qeverisë: Shërbim ushtarak deri në 45 ditë në vit! Pranohen dhe ato me dy shtetësi
30 Tetor, 19:43 -
Qeveria miraton rregulloren e re për plazhet private, subjektet që përfitojnë dhe kriteret! Aplikimi në e-Albania, çadrat 3 metra nga njëra-tjetra dhe vend për invalidët (E PLOTË)
24 Tetor, 18:12 -
Qeveria miraton Rregulloren e garës për 12 drejtorët e Policive në Qarqe! I njëjti proces për Zv/drejtorin e Përgjithshëm, drejtorët e Departamenteve dhe shefat e Komisariateve
16 Tetor, 13:36 -
Lirohet nga detyra drejtori i Cirkut Kombëtar, Laid Ymeri
25 Shtator, 18:22 -
'Qëllimisht stok'! Qeveria zbulon skemën e ndërtuesve për të rritur artificialisht çmimet
13 Shtator, 17:29
Deri sa te dale ndonje /investitor strategjik/,ndonje oligark,ndonje deputet/minister me biznese,ndonje miliarder me /ide zhvillimore/apo ndonje mik,vella,kunat,etj dhe pastaj po me VKM gjejme /arsyen/e u zvogelojme siperfaqet,u hame hektaret,apo japim ndonje /leje/!
Përgjigju