POP 5

Lajmet më të lexuara të 5 minutave të fundit

Sport

Vllaznia e vajzave e brishtë kundër Chelsea-s, mbyllen ndeshjet e Champions League në Shkodër! Trajneri Leka: Diferenca të mëdha në fushë

Vllaznia e vajzave ndeshjen e fundit në Shkodër për grupet e Champions League e ka humbur 4-0 ndaj Chelsea-s. Trajneri Nikolin Leka thotë se skuadrat treguan disnivel në fushën e lojës, ndërsa thotë se ekipi i drejtuar prej tij mund të fitojë vetëm eskperiencë nga ky kompeticion, pasi për rezultate është ende herët.

Ndeshja e fundit në Shkodër dhe e parafundit në grup për Vllazninë e vajzave është mbyllur me humbjen 0-4 kundër Chelsea-s. Në ‘Loro Boriçi’ vajzat shkodrane u ndëshkuan për herë të parë në minutën e 12 me Ingle, ndërsa më pas për londinezet realizuan Kirby, Svitkova dhe Mjelde. Pas 90 minutave edhe trajneri Nikolin Leka e pranoi se diferencat mes ekipeve janë të mëdha, por pengu është ende goli i parë në grupet e Champions League.

“Duke parë disnivelet mes ekipeve është normale të humbësh. Është e ditur ajo pjesë, por në përgjithësi jam i kënaqur me lojën që kanë bërë vajzat, më saktësisht në pjesën e mbrojtjes. Ne jemi ekipi i ri dhe nuk mund të pretendojmë më tepër. Është eksperiencë, por që nga ndeshja në Londër me Chelsea-n mund të them se jemi përmirësuar shumë,”-u shpreh Nikolin Leka, trajner i Vllaznisë.

Ndërkohë te Chelsea thonë se ekipi shqiptar ka fituar eskperiencë që nga ndeshja e fundit e zhvilluar në Londër.

“Këtë herë ishte më e vështirë kundër Vllaznisë se sa në Londër. Patëm përballë një ekip më kompakt dhe më të ndërlikuar, duke na bërë që të krijonim më pak raste,”-tha Emma Hayes, trajnere e Chelsea-s.

Ndeshja e fundit në grupin e Champions League për Vllazninë e vajzave do jetë kundër Real Madrid në Spanjë me datë 22 dhjetor.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • nastro milano: 17/12/2022 14:12

    po keto te uruara nje gol se shenuan vec duke gelltitur 4 -5 gola per cdo ndeshje

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Mozambiku në kaos pas protestave, 33 të vdekur nga revolta në burg dhe mbi 1500 të arratisur

Mozambiku në kaos pas protestave, 33 të vdekur nga revolta në burg dhe mbi 1500 të arratisur

26 Dhjetor, 16:46