VLORË-Mbytet në një kanal në Novoselë një 57-vjeçar, dyshohet për shkaqe aksidentale.
 
Rreth orës 16:30, policia ka marrë njoftimin se është mbytur një shtetas në një kanal.
 
Menjëherë shërbimet janë nisur drejt vendit të ngjarjes dhe kanë konstatuar se ngjarja ka ndodhur në Novoselë, ku në një kanal me ujë pas një pike shumice, është gjetur i mbytur shtetasi K.Q., rreth 57 vjeç, banues në fshatin Akërni.
 
Paraprakisht dyshohet se mbytja mund t'i jetë shkaktuar për shkaqe aksidentale.
 
Grupi hetimor ndodhet në vendngjarje duke kryer veprimet e mëtejshme procedurale në lidhje me sqarimin e rrethanave.

Redaksia Online
Al.N/Shqiptarja.com