VLORË - Ministrja e Zhvillimit Urban dhe Turizmit Eglantina Gjermeni ishte e pranishme në celjen e “Javës së Aventurës në Ballkanin Perëndimor”, aktivitet që organizohet për herë të parë në tre vende të rajonit Kosovë, Shqipëri dhe Maqedoni.

Aktiviteti u zhvillua në Llogara, ku i pranishëm ishte Ambasadori i Shteteve të Bashkuara në Tiranë, Alexandër Arvizu dhe disa media prestigjoze ndërkombëtare të udhëtimit të aventurës, nga Suedia, Shtetet e Bashkuara dhe Kanadaja.

Në fjalën e saj, Ministrja e Zhvillimit Urban dhe Turizmit Znj. Eglantina Gjermeni e vuri theksin tek bukuritë natyrore të Shqipërisë, trashëgimia kulturore dhe historike dhe vecanerisht mikëpritja shqiptare. Ndërsa, Ambasadori i Shteteve të Bashkuara në Tiranë, Alexandër Arvizu vlerësoi bukuritë natyrore të Shqipërisë dhe tha se turizmi është shumë i rëndësishëm për rritjen ekonomike të vendit.

Redaksia Online
(a.h/shqiptarja.com)