Një aksident ku një makinë ka përplasur një motor, ka ndodhur pasditen e sotme në  Bulevardin "Ismail Qemali" në qytetin e Vlorës, ku fatmirësisht nuk ka pasur humbje në jetë. 

Si pasojë e përplasjes ka mbetur i lënduar drejtuesi i motorit, i cili është dërguar për të marrë ndihmën e mjekësore. Mësohet se  drejtuesi i motorit, shtetasi A.Rr, 36 vjeç, është jashtë rrezikut për jetën.

Në vendin e ngjarjes kanë shkuar uniformat blu të cilat do të përcaktojnë edhe shkakun e aksidentit.

Njoftimi i policisë:

Më datë 18.01.2018, në Bulevardin ''Ismail Qemali'', tek aleksandria shtetësia A.M., 32 vjeçe, duke drejtuar mjetin tip ''Nissan'', ka aksidentuar shtetasin A.Rr., 36 vjeç, i cili drejtonte një mjet motorr.

Drejtuesi i mjetit motorr është transportuar në Spitalin Rajonal Vlorë ku po merr ndihmë mjekësore, aktualisht jashtë rrezikut për jetën.

Në vendngjarje ndodhen shërbimet e policisë rrugore të cilët po vijojnë me procedurat e nevojshme dhe të mëtejshme për rastin në fjalë.

Redaksia Online
D.T/Shqiptarja.com