Edhe pse prej vitesh plazhi ranor, i njohur si “Plazhi i Vjetër” në Vlorë, vazhdon të jetë i preferuar nga pushuesit, kryesisht moshat e treta dhe familjarët me fëmijë, mbetet problematik sa i përket infrastrukturës.

Rruga që lidh 'Plazhin e Vjetër', me qytetin dhe zonën turistike të Tripotit, Zvërnecit e Manastirit, është e mbuluar nga pluhuri për shkak të gropave të mëdha në të. Sipas banorëve të zonës, në këtë rrugë para dy vjetësh u hodhën disa makina me cakull për të niveluar karrexhatën, por punimet pa cilësi e bënë më të vështirë qarkullimin e banorëve dhe automjeteve.

Redaksia Online
(e.c/shqiptarja.com)