VLORË - Sekuestrohen edhe 100 kilogramë lëndë narkotike në Portin e Vlorës, që do të shkonin në Itali. Siç duket, portet e vendit tonë vijojnë të jenë rrugë kalimi për trafikimin e lëndëve narkotike drejt vendeve të Bashkimit të Europian.
 
Këtë e vërtetojnë edhe sasisë e drogës të sekuestruara në këto portet e vëndit, teksa gjatë orëvë të pasdites në portin e Vlorës u sekuestrua një sasi prej 100 kg lëndë narkotike e llojit canabis sativa.
 
Lënda narkotike u gjet në një kamioçinë të ngarkuar me konfeksione që kishte si destinacion vendin fqinj Italinë.
 
Policia ka prangosur drejtuesin e mjetit, i cili para uniformave blu, ndërsa ka deklaruar se nuk kishte dijenë për sasinë e lëndës narkotike është shprehur se konfeksionet i përkisnin pesë shoqërive të ndryshme emrat e të cilëvt nuk bëhen të ditur.
 
Blutë e Vlorës kanë shoqëruar gjithashtu edhe pesë drejtuesit e këtyre kompanive, ndërsa kanë nisur hetimet për identifikin e personave të tjerë të përfshirë në këtë rrjet.
 
droga e sekuestruar ne port

(Në foto: Droga e sekuestruar në portin e Vlorës, Shikoni  FOTO të tjera)

Redaksia online
(ac/shqiptarja.com)