POP 5

Lajmet më të lexuara të 5 minutave të fundit

Kronikë

Vlorë, bllokohen 89 ha tokë, u
falsifikua firma e gjyqtarit Konomi

Dosjen e konsideruar “Mafia e Pronave në Bregdet” risjell pas 5 vitesh në publik emrin e gjyqtarit të ekzekutuar në atentatin mafioz të 2011 Skerdilajd Konomi. Sipas prokurorisë e cila ka sekuestruar këtë të martë 89 hektarë me vlerë 110 milion euro, Raimond Mezi ka përfituar 89 h tokë në Karaburun me një vendim gjyqësor në vitit 2003. Ky vendim mban emrin dhe firmën e gjyqtarit Skerdilajd Konomi, por për prokurorin këtu qëndron dhe falsifikimi thotë akuza pasi Konomi në këtë periudhë s’ishte ende gjykatës në Vlorë.  VIDEO
Një tjetër pronë këtë me sipërfaqe 89 hektarë në plazhin e Zvërnecit me vlerë 110 milion euro është sekuestruar nga prokuroria e Vlorës këtë të martë pas sekuestros së 31 Maj 2016 ku me vendim gjykate u sekuestruan 220 h truall në Karaburun.

Kjo pronë me vlerë tregu 110 milion sipas hetimeve të akuzës së Vlorës i përket shtetasit Raimond Mezi i arrestuar 2 javë më parë pas sekuestros mbi truallin në Karaburun.

Sekuestrimi i kësaj prone ka risjell në vëmendje gjyqtarit Skerdilajd Konomi të ekzekutuar nga një atentat mafioz 6 vite më parë në bulevardin Vlorë-Skelë teksa ai shkonte në zyrën e tij në gjykatën e Vlorës.

Nga hetimet prokuroria ka zbardhur se pronësia mbi truallin 89 h në Zvërnec është bërë me një vendim gjyqësorë të falsifikuar në 2003, vendim që mban emrin e gjyqtarit Konomi i cili rezulton se në atë periudhë nuk ka qenë ende gjyqtar.

Ende nuk dihet nëse ky fakt do të rihap apo jo hetimet për ekzekutimin e Konomit 5 vite më parë, por të kontaktuar nga ReportTv zyrtarë të prokurorisë së përgjithshme thanë se vrasja e gjyqtarit është një dosje që s’është mbyllur asnjëherë.

Fillimisht thotë akuza pronësia i është njohur Jakup Mezit e më pas ka kaluar tek Raimond Mezi nën masë sigurie arrest me burg i cili si në rastin e Karaburinit dhe me truallin e Zvërnecit ja ka kaluar këtë pronë personave të tretë.

Nga sekuestrimi i dosjes gjyqësore, që i përket vendimit të mesipërm nr. 2217, datë 29/12/2003 të Gjykatës së Rrethit Gjyqësor Vlorë, rezulton se kjo dosje pasi është falsifikuar është bërë pjesë e arkivit të Gjykatës së Rrethit Gjyqësor Vlorë. 

Ky fakt provohet edhe nga sekuestrimi i numratorit civil të vitit 2003, ku duket qartë se janë shtuar në këtë libër të dhënat e vendimit të mësipërm gjyqësor. 

Pra, del qartë se është përdorur i njëjti mekanizëm që është përdorur për të falsifikuar dhe pastaj bërë pjesë të arkivit edhe dosjen gjyqësore që i përket vendimit nr. 1360, datë 29/12/2000 të Gjykatës së Rrethit Gjyqësor Vlorë, lidhur me sipërfaqen 220 ha tokë ne Karaburun, si dhe nga të njëjtët persona”-sqaron prokuroria në materialin depozituar në gjykatë.

Aktualisht ky hetim i është bashkëngjitur dosjes së depozituar pranë krimeve të rënda ku po kryhen të gjitha verifikimet për një grup të strukturuar kriminal dhe brenda pak ditësh pritet që kjo prokurori të kërkoj hetimin pasuror për afro 20 shtetas të dyshuar si bashkëpunëtor të Raimond Mezit në të ashtuquajturën mafia e pronave.
 
 
Ja njoftimi i prokurorisë Vlorë:
"Prokuroria e Vlorës ka sekuestruar 89 hektarë tokë në zonën e Zvërnecit, me vlerë rreth 110 milionë euro sipas çmimeve zyrtare, e dyshuar se është përfituar në mënyrë të paligjshme nga shtetasi Raimond Mezi. Skema e përdorur në këtë rast është realizuar në të njëjtën mënyrë dhe nga të njëjtët persona, të cilët kanë regjistruar në mënyrë të paligjshme edhe 220 hektarë truall të sekuestruar tashmë, në zonën e Karaburunit. Në vijim të hetimeve, Prokuroria ka kërkuar caktimin e sekuestror preventive mbi këtë sipërfaqe, kërkesë e cila është pranuar nga ana e Gjykatës së Rrethit Gjyqësor Vlorë.

Në bazë të hetimeve të Prokurorisë së Vlorës, rezulton se trualli 89 hektarë në zonën e Zvërnecit është regjistruar në Hipotekën e Vlorës, në bazë të dokumentave të fallsifikuar dhe nëpërmjet një procesi gjyqësor njohjeje prone, tërësisht fiktiv.

Në kuadër të hetimit, Prokuroria e Vlorës ka sekuestruar praktikën e njohjes dhe më tej regjistrimit të kësaj prone. Nga aktet hetimore, rezulton se shtetasi Raimond Mezi është njohur me vendim gjyqësor si pronar i sipërfaqes 89 hektarë, në bazë të një vendimi gjyqësor të vitit 2003, dhënë nga gjyqtari Skerdilajd Konomi. Prokuroria e Vlorës e ka konstatuar tërësisht fiktiv këtë vendim, pasi, në kohën e dhënies së vendimit, i ndjeri Konomi nuk ka qenë gjyqtar.

Nga sekuestrimi i dosjes gjyqësore, që i përket vendimit te mesipërm nr. 2217, datë 29/12/2003 të Gjykatës së Rrethit Gjyqësor Vlorë, rezulton se kjo dosje pasi është falsifikuar është bërë pjesë e arkivit të Gjykatës së Rrethit Gjyqësor Vlorë. Ky fakt provohet edhe nga sekuestrimi i numratorit civil të vitit 2003, ku duket qartë se janë shtuar në këtë libër të dhënat e vendimit të mësipërm gjyqësor. Pra, del qartë se është përdorur i njëjti mekanizëm që është përdorur për të falsifikuar dhe pastaj bërë pjesë të arkivit edhe dosjen gjyqësore që i përket vendimit nr. 1360, datë 29/12/2000 të Gjykatës së Rrethit Gjyqësor Vlorë, lidhur me sipërfaqen 220 ha tokë ne Karaburun, si dhe nga të njëjtët persona.

Gjithashtu rezulton se edhe vendimi nr. 100, datë 19/04/1996 i ish-KKKP-së Bashkia e Qytetit Vlorë, në emër të subjektit të shpronësuar Jakup Mezi (paraardhës i Raimond Mezi), si dhe nota e transkriptimit, në favor të shtetasit Jakup Mezi, që janë paraqitur në Gjykatën e Rrethit Gjyqësor Vlorë, janë dokumente të falsifikuara.
Po ashtu, nga hetimi provohet se pasuria e përshkruar në vendimin e mësipërm të falsifikuar është regjistruar pranë ZVRPP Vlorë nga personi nën hetim Blerina Dhrami.
Nga hetimi është provuar se pas regjistrimit të pasurisë së mësipërme mbi bazën e dokumenteve të falsifikuara, janë kryer veprime tjetërsimi, duke kaluar e gjithë pasuria ne emër të personave të tretë.

Nga hetimi i deritanishëm, rezulton qartë se pasuria e paluajtshme me sipërfaqe 89 Ha, regjistruar fillimisht në emër të shtetasit Raimond Mëzi është produkt i veprave penale të parashikuara nga nenet 186/2 dhe 248 të Kodit Penal. Kjo pasuri është regjistruar mbi bazën e dokumenteve të falsifikuara, si dhe në kundërshtim me ligjin nr. 33/2012 “Për regjistrimin e pasurive të paluajtshme” e udhëzimet përkatëse. Rezulton se në lidhje me këtë pasuri janë kryer veprime juridike tjetërsimi, me qëllim fshehjen e origjinës së pasurisë, e cila është produkt i veprave penale të parashikuara nga nenet 186/2 dhe 248 të Kodit Penal.
 

Redaksia Online
(F.T/shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

16 Janar, 22:52