POP 5

Lajmet më të lexuara të 5 minutave të fundit

Kronikë

Vlorë/ Goditi me helikën e gomones turistin në Karaburun, arrestohet 42-vjeçari! Në një javë 34 mjete lundruese të bllokuara nëpër plazhe

Me akuzën “plagosje e rëndë me dashje”, Policia e Vlorës arrestoi 42-vjeçarim Flori Tahiraj pasi të shtunën goditi me helikën e një mjeti lundrues një 60-vjeçar, Ndërkohë, në një javë policia ka bllokuar në të gjithë vijën bregdetare 34 mjete lundruese, 10 prej të cilave u gjobitën m pasi lundruan brenda perimetrit të sigurisë

42-vjeçari Flori Tahiraj nga Vlora u arrestua një ditë pasi goditi me helikën e një mjeti lundrues një 60-vjeçar. Fillimisht, ngjarja u cilësua aksidentale, por në njoftimin e fundit policia thotë se Tahiraj është arrestuar për plagosje të rëndë me dashje.

Ngjarja ndodhi të shtunën në Karaburun, ku burri mbeti i plagosur në këmbë, pasi u godit nga një mjet që po ankorohej në molin e vjetër të ushtrisë në gjirin e Shën Janit. Turisti i lënduar kishte zbritur nga një anije turistike në det pranë këtij moli, që nuk është zonë plazhi. I plagosur për shkak të gjendjes së rëndë u dërguar për trajtim mjekësor në spitalin e Traumës në Tiranë ku ndodhet jashtë rrezikut, ndërsa mjeti është bllokuar nga shërbimet e Policisë Kufitare.

Në javën e fundit, Policia e Shtetit bënë me dije se në total në të gjithë vijën bregdetare në vend, nga Velipoja në Ksamil u bllokuan 34 mjete lundrimi, në mesin e të cilave janë 24 jet ski, 6 skafe dhe 4 gomone. Sipas bluve, 7 mjete lundruese u bllokuan nga Durrësi në Shëngjin, 2 në Velipojë dhe 10 prej tyre u konstatuan nga shërbimet e Policisë Kufitare duke lundruar brenda perimetrit të sigurisë, shkelje e cila rrezikonte jetën e pushuesve.

Drejtuesit e këtyre mjeteve janë ndëshkuar secili me masë administrative 100 mijë lekë. Ndërkohë, 24 drejtues të tjerë u gjobitën secili me nga 10 mijë lekë për mungesë të dokumentacionit. Përgjatë kësaj jave, policia iu kanë ardhur në ndihmë turistëve dhe vizitorëve në 4 raste, që kanë kërkuar ndihmë në hapësirën detare.

M.Q./I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Vlorë/ Drogë, thyerje mase, djegie makine dhe aksident, 2 të arrestuar, 2 nën hetim dhe një në kërkim

Vlorë/ Drogë, thyerje mase, djegie makine dhe aksident, 2 të arrestuar, 2 nën hetim dhe një në kërkim

26 Dhjetor, 15:20