Dy mjetet lundruese, (motorë deti) janë konstatuar gjatë patrullimit nga mjetet e Delta Force në zonën e Radhimës dhe janë ndjekur nga shërbimet e policisë.
Menjëherë më pas në sajë të veprimeve të koordinuara operacionale, ndjekjes nga uji dhe kontrollit të ushtruar nga toka është bërë e mundur që të kapen dhe sekuestrohen të dy mjetet lundruese të cilat ishin braktisur nga trafikantët, 1 në zonën e “Radhimës” dhe tjetri në afërsit të “Plazhit të ri”. Njëri prej motorëve ishte i ngarkuar me rreth 31 kg lëndë narkotike kannabis sativa e cila dyshohet se do të trafikohej nëpërmjet detit në Itali.
Operacioni është kryer nga Shërbimet Operacionale të Strukturave të Drejtorisë Rajonale për Kufirin dhe Migracionin Vlorë. Në bashkëpunim me Prokurorinë për Krimet e Rënda po kryehen hetime intensive për identifikimin e personave përgjegjës për këtë rast.
Redaksia online
(sg/shqiptarja.com)
![](https://www.shqiptarja.com/template/img/sh_logo1.png)