Pashkët Ortodokse në Nartë të Vlorës shoqërohen edhe me karnavalet e njohura, te cilat janë edhe festa me e madhe e kësaj zone. Karnavalet qe zgjasin 72 ore janë çelur mesditën e sotme, ndërsa kostumet shumëngjyrëshe, muzika vallet dhe lojërat janë kryefjale e kësaj feste.
 
Karnavalet e Nartës të cilat pasojnë festën e pashkëve ortodokse janë kthyer në një traditë në këtë fshat të Vlorës, teksa tashmë festohen prej 23 vitesh.

Kostumet shumëngjyrëshe, ato popullore, maskat, muzika ritmike vallet dhe lojërat e ndryshme janë kryefjalë e këtyre karnavaleve.
Efekte 

Banorët e fshatit të veshur dhe maskuar secili në mënyrën e tij nën ritmet e muzikës dhe lojërave drejtohen për në qendër të fshatit ku vijojnë ahengun, nën avujt e alkoolit dhe ritmet e muzikës live. 

Karnavalet e Nartës zgjasin 72 orë, ndërsa në to marrin pjesë banorë që vijnë nga vise të ndryshme të Vlorës dhe emigrante të kthyer në atdhe. 


Festa e cila i ka rrënjët parakristiane festohet çdo vit në këtë zonë së bashku me festen fetare të Pashkëve.
 
Redaksia Online
(a.h/shqiptarja.com)