POP 5

Lajmet më të lexuara të 5 minutave të fundit

Kronikë

Vlorë/ Përurohet memoriali për të internuarit, 600 burra në 1943 u çuan në kampet e përqendrimit

Në kuadër të 75-vjetorit  për të rënët në ish-kampet naziste të përqendrimit sot është inauguruar një memorial për ata që humbën jetën. Memoriali do të qëndrojë në sheshin "4 Heronjtë" të qytetit bregdetar, shumë pranë Bashkisë së Vlorës. Kryebashkiaku i Vlorës, Leli u shpreh se duhet të përulemi me respekt përpara atyre që me kontributin e tyre luftuan për çlirimin e vendit.

Përkujtohet 10 tetori i vitit 1943 kur mbi 600 burra vlonjat u rrëmbyen nga fshatrat dhe qyteti për t’u internuar më pas nga gjermanët në kampet e përqëndrimit. 600 burra u mblodhën në ish-burgun e vjetër të Vlorës që ishte i vendosur tek bashkia e sotme. Ata u shpërndanë më pas në kampet më famëkeqe të internimit, në Zemun, Mat’hauzen, Prishtinë dhe Aushvicë. Skënder Spahiu, Drejtori i Muzeut Historik tregon për Report Tv se si u rrëmbyen 600 burrat ku vetëm pak prej tyre arritën të shpëtonin për të treguar atë çfarë kishin përjetuar.

Në kuadër të operacionit të zhvilluar nga gjermanët, u transportuan në kampet e përqëndrimit 600 burra nga Vlora. Ata u shpërndanë sipas listave në kampet e përqëndrimit në Zemun, Mat’hauzen, Prishtinë dhe Aushvicë. Këta burra, nuk arritën të ktheheshin, një pjesë e tyre u kthyen dhe janë dëshmi e gjallë e kësaj masakre njerëzore.

Skënder Spahiu, Drejtor i Muzeut Vlorë

Në kuadër të 75 vjetorit, për të kujtuar burrat vlonjatë të cilët u internuan në vitin 1943, Bashkia e Vlorës vendosi krijimin e një memoriali i cili u inagurua paraditen e së mërkurës. Në fjalën e tij përshëndetëse, kryetari i Bashkisë, Dritan Leli u shpreh se 75 vite më parë në këtë shesh çmenduria njerëzore shkaktoi dhimbje pafund.

75 vite më parë në këtë shesh çmenduria njerëzore shkaktoi dhimbje pafund. Bëri që një gurp i madh njërëzish nga ky qytet lanë familjet për të mos u kthyer më kurrë. Sot pas 75 vitesh bëmë të gjithë së bashku perpjkjen e madhe për të luftuar të keqën dhe të kujtojm ata që u rrembyen. Ajo që mund të bëjmë është të përulemi me respekt para tyre. Te gjithë e kanë vendin të kujtojnë ata që humben në kampet e përqendrimit.

Dritan Leli, kryebashkiak i Vlorës

Polizoi Kosta, djali i Jani Kostës një nga personat që u rrëmbye nga gjermanët tregon këto ndjesi. Sipas tij rreth 600 persona u internuan, nga këta 500 prej tyre nuk u kthyen më. Sipas Polizoit ky internim erdhi pasi keta burra  nuk ishin dakort me politikën naziste.

Ne fëmijët e tyre kemi qenë dëshmitarë okularë të kësaj masakre. Ky arrestim erdhi si pasojë e mbështetjes masive të qytetarëve vlonjatë ndaj Luftës Nacional-Çlirimtare.

Polizoi Kosta, djali i një të internuari

Në respekt të historisë dhe të rënëve në kampet e përqendrimit tashmë do të kujtohen pas 75 vitesh me një memorial në Vlorë, vendi ku u mblodhën për herë të fundit të rrëmbyerit në qytetin e tyre.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Emigranti: 11/10/2018 16:15

    Mir ateher por edhe sote jena neper kapete e gjremaniz si rrefugjat. Ca ka ryshu sote thjeshte jena ba skllever mudern.

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Sarandë/ Vrau burrin, dërgohet në spital psikiatrik 48-vjeçarja

Sarandë/ Vrau burrin, dërgohet në spital psikiatrik 48-vjeçarja

26 Dhjetor, 14:15 nga Limos Didani