VLORË - Dita e tretë e prishjeve të ndërtimeve pa leje në fshatin Dhërmi ka nisur që në orët e para të ditës.
 
Dy mjete, njëri fadrom dhe tjetri skrap kanë nisur punën fillimisht për shembjen e një godine trekatëshe, e cila ndodhej në afërsi të përroit në anën e majtë të plazhit kur zbret poshte.
 
Ka pasur nje reagim nga pronaret e objektit, te cilet jane zbrapsur nga forcat e policise, te cilat kane qene te shumta.
 
Pas rrezimit te godines trekateshe, e cila ishte vetem nje ndertim ne beton, mjetet e INUK kane shkuar ne breg te detit, ku prishen dhe nje disko verore "Habana".
 
Aksioni nga INUK ende vazhdon dhe sipas kreut të INUK, Zyhdi Dajti, i cili është në krye të tyre jashte kamerave shprehet se “do te shembet çdo godine e cila nuk ka dokumentacion te rregullt si dhe qe eshte nga bregu i detit afer 100 m”.
 
Aksioni vazhdon. Nuk dihet se çfare objekti tjeter do prishet sot deri ne mbremje.