Situata me furnizimin e ujit të pijshëm në Ujësjellësin e Vlorës ka detyruar këshilltarët bashkiakë t’i kërkojnë kryebashkiakut Dritan Leli të negociojë për krijimin e ujësjellësit të ri që të përfshijë edhe bashkitë Selenicë e Himarë. Por kërkesa nuk është pritur mirë nga Leli, i cili sipas burimeve po përgatit një padi kundër Këshillit Bashkiak.
Reforma e re e ujit që parashikon ristrukturimin e ujësjellës kanalizimeve ka përplasur këshillin Bashkiak të Vlorës me Bashkinë e qytetit. Anëtarët e Këshillit i kërkojnë kryetarit të Bashkisë Dritan Leli, që të nisë negociatat me Ministrinë e Infrastrukturës për krijimin e shoqërisë së re të ujësjellës-kanalizimeve që të përfshijë bashkitë Vlorë, Selenicë dhe Himarë, me argumentin se ujësjellësi aktual është prag falimenti.
“Ujë pa të ardhura në ujësjellsin e Bashkisë Vlorë për vitin 2021 është në masën 77% humbje. Detyrimet që ka kjo shoqëri ndaj shtetit dhe palëve të treta aktualisht janë 33 milionë euro. Mbulimi i Kostove totale të operimit të kësaj shoqërie në raport me arkëtimet është ne nivelin e 29.2%. Humbja Vjetore e UK Vlorë për vitin 2021 është 75,206,694 leke të reja. Hmbjet janë katastrofë, bilancet janë tërësisht negative, kjo shoqëri i ka të gjitha llogaritë e bllokuara. Kjo shoqëri nuk mbulon kostot e veta dhe është në prag falimentimi”, tha Ardian Skëndaj kreu i grupit PS në këshillin bashkiak Vlorë.
Por kjo kërkesë për kryebashkiakun Leli është e paligjshme, siç thuhet në letrën drejtuar këshilltarëve. Madje sipas burimeve, Bashkia do të ngrejë një padi kundër projektvendimit e Këshillit.
“Projektvendimi i paraqitur nga ana juaj në vlerësimin e administratës së Bashkisë ndoshta për shkak të ngutjes për ta miratuar me çdo kusht ose nga moskuptimi i asaj që duhet të arrihet konstatohet si një vendim i marrë në kundërshtim me dispozitat ligjore”, tha Aulona Veizi n/kryetare e Bashkisë Vlorë, teksa lexoi letrën e Lelit.
“Në ligjin 139/2015 për vetëqeverisjen vendore në nenin 23 pika 1 dhe 2 thuhet është parashikuar, “ Bashkia ka funksion prodhimin, trajtimin, transmetimin dhe furnizimin me uji të pijshëm si dhe mbledhjen, largimin dge trajtimin e ujërave të ndotura”. Natyrshëm lind pyetja pa ndryshuar një dispozitë të ligjit, cili organ e shkarkon nga përgjegjësia bashkinë në rast të një vendimmarrje të tillë” tha nënkryetarja e Bashkisë Vlorë.
Reforma e re parashikon shkrirjen e 46 ujësjellësve në të gjithë vendin, dhe krijimin e 15 shoqërive të reja, ku 51% e aksioneve i përkasin Ministrisë së Infrastrukturës dhe 49 përqind shoqërive aksionere. Sipas VKM-së së 11 majit 2022 parashikohet formimi i Shoqërisë së re të UK, ku do përfshihen Bashkitë Vlorë, Himarë dhe Selenicë. Bashkia Himarë dhe Selenicë i kanë marrë vendimet e Këshillave Bashkiak për t’u bere pjese e kësaj shoqërie, ndërsa mbetet vetëm Vlora pa vendim, pasi nënkryetarja thotë se kompetencat e ujësjellësit i takojnë Bashkisë.
Reforma e re e ujësjellës-kanalizimeve, vjen pas detyrimeve të larta që kanë shoqëritë, problemeve në mbledhjen e të ardhurave si dhe në furnizimin me ujë të qytetarëve.
Lajme të tjera
-
Në Himarë babagjyshi vjen nga deti, parada dhe koncerti festiv (VIDEO)
25 Dhjetor, 13:12 -
Çelet tenderi 95 mln lekë për projektin e rehabilitimit të hekurudhës Rrogozhinë-Vlorë dhe lidhjen me aeroportin
25 Dhjetor, 12:39
-
Kreu i Burgjeve dhe kryebashkiaku i Vlorës firmosin marrëveshje: Ndihmë të dënuarve që të riintegrohen në shoqëri dhe për një fillim të ri
24 Dhjetor, 20:29 -
Emigrantët kthehen për festa! Çdo ditë mbi 1 mijë pasagjerë mbërrijnë në portin e Vlorës
24 Dhjetor, 16:12
-
Vlorë/ Plagosi me thikë 19 vjeçarin, arrestohet 44 vjeçari! I riu te Trauma
23 Dhjetor, 17:58 -
Vlorë/ Sekuestrohen rreth 32 mijë euro cash në port, procedohen 2 shoferët! Ishin fshehur në sediljen e autobusit të agjencisë së udhëtimit
23 Dhjetor, 16:09 -
Selenicë, Guri Selimi rrezikon jetën, prej vitesh i braktisur! 77-vjeçari pa strehë, pa ushqim e veshje endet rrugëve
23 Dhjetor, 10:08
-
Moti i keq, frika nga reshjet e dendura, bashkia Vlorë bën thirrje qytetarëve: Mos parkoni makinat në këto zona
23 Dhjetor, 09:09 -
Moti i keq pezullon nisjen e tragetit në Vlorë, mbetet në radë
23 Dhjetor, 08:01 -
Vlorë/ U gjet i vdekur në banesë, 68-vjeçari i vetmuar pësoi arrest kardiak! U gjet pas 12 orësh
22 Dhjetor, 19:26
-
SPECIALE/ Mjalti, biznesi i ëmbël që prodhon produkt të shtrenjtë
22 Dhjetor, 18:05
-
Selenicë/ 77 vjeçari prej vitesh jeton në godinë të rrënuar, Report Tv apel për ndihmë shërbimit social e bashkisë
22 Dhjetor, 14:59
