VLORE – Një 31 vjeçar është arrestuar nga policia e Vlorës pasi vodhi naftë e benzinë në karburantit ku ai punonte.

Sipas policisë, shtetasi Gentian Zhuka, 31 vjeç, banues në Vlorë, dyshohet se në kohën kur ka punuar në subjektin e tregtimit të karburantit “Martini” ka vjedhur rreth 12 mijë litra naftë dhe benzinë e më tej i ka shitur.

Zhuka ka qenë i punësuar në karburant gjatë një periudhe 3 mujore, prill, maj dhe qershor.

Materialet procedurale i janë referuar Prokurorisë së Rrethit Gjyqësor Vlorë për veprime të mëtejshme për veprën penale “Vjedhja” parashikuar nga neni 134 i Kodit Penal.
(gm/Shqiptarja.com)