POP 5

Lajmet më të lexuara të 5 minutave të fundit

Kronikë

Vodhën shtëpinë e Zidane dhe lojtarëve të Realit e Atleticos, 'shkatërrohet' banda e shqiptarëve në Madrid

Shkatërrohet banda e shqiptarëve, në Spanjë, të cilët vidhin  banesat e futbollistëve të njohur të Real Madrit dhe Atleticos.  Sipas medieve spanjolle, katër shqiptarët janë autorë të një sërë vjedhjesh në shtëpitë e yjeve të futbollit si  Zidane, Isco, Casemiro, Morata, Vasquez dhe Thomas Partey. 

MADRIT- Katër shqiptarë, anëtarë të një bande janë vënë në pranga pasi janë autorë të një sërë vjedhjesh të shtëpive të yjeve të Realit të Madrid dhe Atleticos. Nga hetimet e kryera janë zbuluar se vjedhjet e shtëpive të trajnerit të "Los Blancos", Zinedine Zidane, lojtarëve Isco, Casemiro, Morata dhe Vasquez kishin të njëjtët autor, katër shqiptarë, një prej të cilëve i identifikuar si M.Z.

Ky i fundit i arrestuar edhe më parë, konkretisht në vitin 2007 për grabitjen në rezidencën e biznesmenit dhe aktorit spanjoll,  José Luis Moreno, e ndërsa nuk dihet ende identiteti i 3 shqiptarëve të tjerë. Sipas mediave spanjolle, krahas 4 të arrestuarve, në kërkim është shpallur edhe një person tjetër, i cili dyshohet se është larguar drejt një vendi, jo pjesë e BE-së. Në sendet e vjedhura, u gjet edhe medalja e Champions-it  e lojtarit të Atletico Madrid, Thomas Partey, një sasi e madhe e bizhuterive të vjedhura dhe 10 mijë euro cash.

Lajm në median spanjolle

Duke marrë parasysh se bëhet fjalë për yje të futbollit botëror, shumë kush mund të mendojë se banesat e tyre janë të sigurta, me kamera apo roje të sigurisë, por mesa duket një gjë e tillë nuk i ka penguar aspak shqiptarët. Skema ishte e njëjtë në të gjitha vjedhjet, që kryesisht bëheshin në ditë kur lojtarët kishin ndeshje të rëndësishme. Me makina të vjedhura, që u ndërronin targat, përdornin pajisje transmetimi dhe të maskuar, në mënyrë që të mos pikaseshin nga kamerat e shumta të sigurisë.  

Referuar mediave spanjolle, në disa prej vjedhjeve të ndodhura, futbollistët kanë qenë në shtëpi. Më konkretisht, qershorit e kaluar, banda e shqiptarëve ka vjedhur shtëpinë e futbollistit Alvaro Morata teksa ishte në shtëpi në bashkëshorten e tij dhe dy fëmijët. Më e "lehtë ka qenë puna" në shtëpinë e trajnerit Zinedine Zidane, ku në të njëjtën ditë, pak minuta më vonë, kanë vjedhur edhe shtëpinë e spanjollit Isco.

Nuk i ka shpëtuar vjedhjes as braziliani Casemiro i Realit të Madrid, pikërisht në ditën kur skuadra e tij luajti më 28 shtator derbin madrilen. Tashmë, personat e arrestuar priten të dalin përpara drejtësisë ku do të njihen me dënimin e gjykatës për vjedhjet e kryera.

Lajm në median spanjolle

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Vicidoli: 17/10/2019 17:02

    Rrnofe Birisha na hapi syte

    Përgjigju
  • Loti: 17/10/2019 12:52

    O milet, mblidhni mendjen, rruga e jetes nuk çahet me prapesi. Vodhet 10000e ne nje shtepi, tani te 5te futeni brenda me vite. Eurot vene e vijne, vitet e jetes hedhur poshte s ua kthen kush. Prindrit tane punuan me djeresen e ballit, s kishin prona/AMG po kishin miq e shok qe i vleresonin per ndershmerine dhe pastertine shpirterore. Kta njerez s shiteshin e blieshin, shejtani s i tundonte dot. Kto jan njerezit me vlera te cilen ne duhet te ndjekim ne jete.

    Përgjigju
  • Vlonjati: 17/10/2019 10:30

    Po mor funderrina kazan te gjitha shqiptarët i bejne

    Përgjigju
  • mira: 17/10/2019 10:16

    i rafte pika e mos i mbifte fara ketyre qe vjedhin se na e nxine fare kete vend ku ka dhe plot njerez shume te mire.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Tiranë/ Organizonin baste dhe lojëra fati, vihen në pranga 6 persona

Tiranë/ Organizonin baste dhe lojëra fati, vihen në pranga 6 persona

24 Nëntor, 09:55