POP 5

Lajmet më të lexuara të 5 minutave të fundit

Kronikë

E kërkon Koreja e Jugut për vjedhjen e 28 mln eurove, gjermani kërkon lirinë për 2 mln lekë garanci, gjykata e refuzon! Gruas i kishte blerë vilë në periferi të Tiranës

Gjermani Stephan Morgenstem i kërkuar për një skemë mashtrimi prej 18 milionë eurosh u la në burg nga gjykata e Tiranës me qëllim ekstradimi drejt Koresë së Jugut. I arrestuari në Rinas, rezulton t'i ketë blerë blerë bashkëshortes një vilë në periferi të Tiranës.

Gjykata e Tiranës caktoi masën arrest me burg pa afat për shtetasin nga Gjermania Stephan Morgenstem i kërkuar nga Koreja e Jugut dhe disa shtete të tjera për një skemë mashtrimi mbi 28 milionë euro.

Përmes avokatit Maks Haxhia, 61-vjeçari kërkoi lirimin përmes garancisë pasurore në vlerën 2 milion lekë të reja, por kërkesa u rrëzua nga gjyqtari Gerd Hoxha. 

Mbrojtësi Maks Haxhia tha se megjithëse klienti i tij ka bashkëpunëtorë, deri tani nuk është arrestuar asnjë shtetas korean. Avokati kërkoi lirimin nga qelia të 61-vjeçarit pasi sipas tij, vendi ynë nuk ka marrëveshje ekstradimi me Korenë e Jugut, e cila e ka shpallur në kërkim ndërkombëtar.

Sipas hetimeve, në janar të këtij viti, 61-vjeçari gjerman kishte blerë në Shqipëri edhe një vilë në periferi të Tiranës, të cilën e kishte hedhur në emër të bashkëshortes, çka duket se hedh dritë mbi transferta monetare të kryera prej tij në vendin tonë.

Arrestimi i të kërkuarit në Rinas nga njësia FAST, teksa Stephan Morgenstem po priste bashkëshorten që vinte nga Dubai në Tiranë u njoftua dje 21 gusht 2023. Për 61 vjeçarin në tetor të vitit të kaluar Gjykata e Seulit, Koreja e Jugut, ka caktuar masën e sigurisë “Arrest në burg”, për veprën penale “Mashtrimi në rrethana rënduese”.

I kërkuari ka hyrë në Shqipëri në maj të këtij viti nga Greqia me autobus, përmes pikës kufitare të Kakavijës. 61-vjeçari duket se i ka shpëtuar kontrolleve për shkak të fluksit, ndërkohë që mësohet se është i pajisur me pasaportë diplomatike nga shteti i Gambias.

Gjatë periudhës 27 mars 2016 - 7 nëntor 2020, ai dhe bashkëpunëtorët akuzohen se kanë mashtruar 2156 persona, me një dëm në vlerë monetare totale 40 703 930 904 KRË (monedha e Koresë së Jugut) ose rreth 28 000 000 euro.

Në dhjetor të vitit 2022 Stephan Morgenstem u arrestua në Greqi, teksa tentonte udhëtimin për në Dubai. Në pritje të gjyqit për ekstradimin, 61 vjeçari u arratis drejt Shqipërisë, ku u vu në pranga pranë aeroportit. Autoritetet koreane, kanë vendosur ndaj 61-vjeçarit dhe bashkëpunëtorëve sekuestrimin e pasurive dhe llogarive bankare që përllogariten në 123 milionë euro.

S.G/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mbase: 25/08/2023 20:04

    Po te kishe vrar njeri mbase dhe dilte me kusht, po mashtrim ne p!ll te bubit esht veper penale e rend. Kushedi Maksi i ka ofruar pak lek gjyqtarit. Pa 500 mij euro sbohet fjal te dali me kusht

    Përgjigju
  • Iris: 23/08/2023 01:45

    Te gjithe maskarenjte e botes ketu e gjejne strofullen per t'u fshehur! Pashaporten diplomatike nga Gambia ne menyre te dyshimte e kishte siguruar,ndoshta tani priste miratimin e ligjit per pashaportat e arta tek ne dhe do te ishte si ky,cdo gje ne rregull!

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Berisha me gratë demokrate të LDG: Kjo është qeveria e Luciferit, shqiptarët kanë marrë arratinë! Ministret e Ramës pa forcë morale

Berisha me gratë demokrate të LDG: Kjo është qeveria e Luciferit, shqiptarët kanë marrë arratinë! Ministret e Ramës pa forcë morale

25 Dhjetor, 19:13