Vonesa në ngarkimin dhe shkarkimin e konteinerëve, shoferët e kamionëve protestë në Portin e Durrësit

Shoferët e kamionëve janë ngritur në protestë në Portin e Durrësit pasi prej ditësh kanë qenë në pritje për ngarkim-shkarkim të mjeteve në terminalet përkatëse. 

Ata kërkuan në protestë që t’i jepet fund vonesës që po pengon vazhdimësinë normale të punës.

Siç mësohet në Portin e Durrësit, shkak për vonesat në ngarkim-shkarkim është bërë mungesa e mjeteve ngarkuese. Kjo ka shkaktuar anomali si dhe bllokim rrugësh portuale për shkak të shtimit të numrit të kamionëve ditë pas dite.

Por Autoritetet Portuale nuk kanë bërë të ditur kur merr zgjidhje situata e krijuar.

M.Q./Shqiptarja.com

TAG:
• proteste
• porti i durresit
• Durres