POP 5

Lajmet më të lexuara të 5 minutave të fundit

Kosova & Rajoni

Helmohen 26 numërues votash, mes tyre dy gra shtatzëna/ VV: Zarfet s'janë sjellë me postë, por ilegalisht nga Serbia

26 numërues janë helmuar ditën e sotme në Kosovë, teksa po hapnin zarfet e ardhura nga Serbia, me fletë votimi për zgjedhjet e zhvilluar me 8 tetor. Mes tyre ishin 2 gra shtatzënë, e ndërsa 9 prej tyre janë shtruar në spital ku po marrin trajtim të nevojshëm mjekësor. Procesi i numërimit për votat e ardhura nga Serbia është ndërprerë.

Helmohen 26 numërues votash, mes tyre dy gra shtatzëna/ VV: Zarfet s'janë sjellë me postë, por ilegalisht nga Serbia

KOSOVË- 26 numërues janë helmuar ditën e sotme në Kosovë, teksa po hapnin zarfet e ardhura nga Serbia, me fletë votimi për zgjedhjet e zhvilluar me 8 tetor.

Mediat kosovare raportojnë se 26 zyrtarët kanë qenë duke numëruar në Qendrën e Numërimit të Rezultateve dhe në kohën kur janë hapur pesë kutitë me zarfe të ardhura nga Serbia, kanë shfaqur shenja alergjie në fytyrë dhe duar. Mes tyre ishin 2 gra shtatzënë, e ndërsa 9 prej tyre janë shtruar në spital ku po marrin trajtim të nevojshëm mjekësor. Procesi i numërimit për votat e ardhura nga Serbia është ndërprerë.

Policia e Kosovës ka nisur hetimet për ngjarjen, për të hedhur dritë mbi shkakun e helmimit të numëruesve. Lidhur me këtë, ka reaguar edhe Lëvizja Vetëvendosje, e cila ka mohuar që këto zarfe të kenë ardhur me postë, siç e parashikon ligji, por sipas tyre kanë ardhur në mënyrë të jashtëligjshme nga Serbia.

Procesi i numërimit në Kosovë ka përfunduar për fletët e votimit që janë hedhur në kuti, por akoma nuk janë numëruar votat me kusht, që u përkasin personave me aftësi ndryshe, dhe votat me postë, për shtetasit kosovarë që kanë të drejtë vote, por që nuk ndodhen në Kosovë, siç është diaspora apo qytetarë serbë me shtetësi kosovare

/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Rindërtohet gjimnazi ‘Sulejman Elezi’

Rindërtohet gjimnazi ‘Sulejman Elezi’

27 Janar, 08:32