Votojnë Manastirliu dhe Denaj: Kjo ditë shumë e rëndësishme, do të përcaktojë qeverinë e 4 viteve dhe drejtimin që do të marrë vendi në dekadat që do të vijnë (VIDEO)

Ministrja e Shëndetësisë , Ogerta Manastirliu e shoqëruar nga bashkëshorti ka votuar në shkollën 9-vjeçare “Jeronim Derada”.

Pas votimit ajo u shpreh se sot është dita kur sovrani do të zgjedh jo vetëm qeverinë e 4 viteve por edhe drejtimin që do të marri vendin gjatë dekadave të fundit.

“Sot është dita kur duhet të dëgjohet fort zëri i qytetarëve. Sepse vota e tyre, nuk do të përcaktojë thjesht qeverinë e 4 viteve të ardhshme. Mbi të gjitha, vendimi që do të marrë sovrani sot në kutitë e votimit, do të përcaktojë drejtimin që do të marrë Shqipëria jonë në dekadat që do të vijnë. Jam e bindur se qytetarët shqiptarë do ta bëjnë me qetësi dhe mençuri zgjedhjen e të ardhmes së vendit ku duam të rrisim fëmijët tanë”, u shpreh Ministrja Ogerta Manastirliu

Edhe ministrja e Financave dhe e Ekonomisë Anila Denaj, njëkohësisht  kandidate për deputete në Qarkun e Vlorës, votoi sot në Qendrën e Votimi në shkollën “Kosova” në Tiranë, e shoqëruar edhe nga bashkëshorti i saj.

Pas votimit, ministrja Denaj deklaroi, se "kjo ditë është shumë e rëndësishme për të gjithë shqiptarët, për të shprehur mendimin e tyre, votën e tyre të lirë, për kë do ti qeverisë në 4 vitet e ardhshme. Votim të mbarë!"

Kujtojme se Ministrja Denaj  është kandidate me nr 4 në Qarkun e Vlorës, për Partinë Socialiste, që mbulon Sarandën, Delvinën, Konispolin dhe Finiqin.

Votuan ministrja e Shëndetësisë, Ogerta Manastirliu dhe ajo e Ekonomisë, Anlia Denaj.

Lajmi kryesor:

Voton Meta, Ruçi dhe Kryemadhi! Basha pa bashkëshorten pasi ajo ka lënë shtetësinë shqiptare! Kryeministri Rama nga Surreli: Jemi një familje e madhe në të njëjtin atdhe

J.GJ./b.ha./Shqiptarja.com

TAG:
• edi rama
• Ilir Meta
• erion veliaj
• lulzim basha
• Albin Kurti
• gramoz ruçi
• sali berisha
• jozefina topalli
• monika kryemadhi
• fatos nano
• zgjedhjet parlamentare 2021
• Sot Shqiperia voton