Tre të dyshuar si pjesë të bandave të krimit në Shijak, Vlorë dhe Shkodër rezultojnë urdhëruesit dhe njerëzit që kanë projektuar pengmarrjen, vrasjen dhe më pas zhdukjen e trupit të Jan Prengës, babait të 5 fëmijëve në 17 janar në Kamëz. Altin Hajri nga Shijaku, M.Bajri nga Shkodra dhe Dritan Rexhepi nga Vlora, dyshohet se janë kokat e këtij krimi të rëndë, ku Jan Prenga, është rrëmbyer për të mos u kthyer kurrë në shtëpi.
Burime nga organi i akuzës thanë për Shqiptarja.com se emrat e tyre dalin në përgjimet e bisedave mes familjarëve të Jan Prengës, djalit të tyre në Angli Astrit Prenga dhe disa prej anëtarëve të grupit Hajri në Shijak. Njëri prej tyre, Dritan Rexhepi, spikatet në kartotekat e policisë kriminale për vrasje dhe trafik të lëndëve narkotike, dhe i arratisur disa herë nga qelitë e burgut. DritanRexhepi, monitoron dhe kontrollon linja të trafikut të kokainës nga Ekuadori në drejtim të disa vendeve të Bashkimit Europian, ku dyshohet se bashkëpunonme M.Bajrin nga Shkodra dhe Altin Hajrin nga Shijaku.
Grupi kriminal që vepron në disa shtete të Europës, qëllimin kryesor ka pasur mbajtjen peng të Jan Prengës, njërin nga 4 vëllezërit Prenga, ku synimi ishte për t'i bërë presion Astritit, korrierit të tyre në Angli, për të nxjerrë sasinë e drogës prej 283 kg kokainë, që ky i fundit mbante peng dhe nuk e tregonte destinacionin se ku e kishte çuar. Por me sa duket situata, i ka dalë jashtë kontrollit pasi Jan Prenga në rrëmbim e sipër është qëlluar me sende të forta dhe për pasojë ka gjetur vdekjen e menjëhershme, duke i mbetur trupi i pajetë në dorë të anëtarëve të bandës Hajri në Shijak.
Nga ana tjetër, familjarët e Prengës deri në momentin e ndërhyrjes së policisë në kompleksin “Golden në Shijak”, në pronësi të Astrit Hajrit nga Shijaku, në asnjë moment nuk kanë bashkëpunuar me policinë, pasi vëllai i tij nga Anglia, Astrit Prenga, i kishte këshilluar të mos kishin asnjë kontakt me uniformat blu.
Për pengmarrjen e Jan Prengës dy ditë më parë u vunë në pranga 5 persona, vëllai, babai, kushëriri dhe shoku i Altin Hajrit, ku i fundit në kërkim, të cilët pas rrëmbimit dyshohet që në bashkëpunim me njëri-tjetrin ta kenë çuar Jan Prengën në resortin "Golden" në Xhafzotaj të Shijakut, ku sipas kamerave të sigurisë, dyshohet edhe ta kenë nxjerrë të pajetë. Bashkë me Hajrin në kërkim janë edhe dy kokat e grupit kriminal, Bajri nga SHkodra dhe Dritan Rexhepi nga Vlora, por edhe 5 të tjerë ende të paidentifikuar nga policia.
Pas dy vëllezërve që merreshin me trafik droge në Angli, Jan Prenga ishte një person familjar, i qetë dhe pa konflikte të mëparshme, profesioni i të cilit ishte mobilier. Gazetari i Shqiptarja.com Elton Qyno raporton se 49-vjeçari Jan Prenga zotëronte një punishte mobilierie në zonën e Kamzës, me të cilën mundësonte mbajtjen e familjes prej 6 anëtarëve.
Edhe pse me një jetë të qetë dhe pa precedentë penal, Jan Prenga nuk mundi të qëndronte jashtë konflikteve të trafikut të drogës së dy vëllezërve të tij. Ai u morr peng dhe më pas u vra nga disa persona që cilësohen si kokat e krimit në zonën e Shijakut, Vlorës dhe Shkodrës. Për pengmarrjen e Jan Prengës janë vënë në pranga 5 persona dhe janë shpallur në kërkim 8 të tjerë.
Këta persona akuzohen nga policia se në bashkëpunim me njëri- tjetrin kanë rrëmbyer me dhunë Prengën dhe më pas e kanë çuar në resortin "Golden" në Xhafzotaj të Shijakut. Nga kamerat e sigurisë Prenga hyri me këmbët e tij në resort, por u nxor prej aty i vdekur, edhe pse trupi i tij ende nuk është gjetur.
Pengmarrja e tij ndodhi si pasojë e konflikteve të drogës së vëllai Astrit Prenga, i cili ishte dhe korrieri i grupeve kriminale të Shijakut, Vlorës dhe Shkodrës, i cili nuk pranoi të dorëzonte sasinë e lëndës narkotike duke kërkuar një shpërblim më të madh. Përgjigja e marrë nga bandat e krimit ishte vrasja e vëllait të tij. Ndërkohë që vëllai tjetër i tij Ndrek Prenga rezulton i dënuar në Angli me 8 vite burg po për trafikim droge.
Komente
Lajme të tjera
-
Goditet grupi kriminal në Spanjë, 9 në pranga! Sekuestrohen 25 mln euro kriptovalutë! Anëtari i ‘Çopjave’ u pastronte paratë e drogës
18 Dhjetor, 11:40 -
Merret peng dhe dhunohet greku në Kostur, policia shpall në kërkim shqiptarin
17 Dhjetor, 16:40 -
DEA i zbuloi nga aplikacioni 'Signal', kapen 46 kg kokainë në Greqi! 4 në pranga, mes tyre edhe një shqiptar (EMRI)
16 Dhjetor, 11:53 -
Media britanike: Si baronët shqiptarë të drogës po tallen me sistemin e emigracionit në Britaninë e Madhe
15 Dhjetor, 08:30 -
Vlorë/ Goditet grupi kriminal ukrainas, rekrutonin shpërndarës droge në vendet e BE-së! 4 të arrestuar, 1 në kërkim
13 Dhjetor, 09:58 -
Asti/ Shqiptari dhe italiani kapen me 20 kg drogë, hodhën 18 mijë euro që të hutonin policët! U gjenden telefon antipërgjim dhe kasafortë me gjurmë gishti
10 Dhjetor, 20:40 -
Itali/ Trafik kokaine për klientë VIP në Como, goditet grupi i shqiptarëve, 9 të arrestuar! Skema e njëjtë, rekrutonin korrierë sezonalë për 3 muaj
9 Dhjetor, 16:20 -
Zbërthimi i Sky ECC në Greqi godet 5 organizata kriminale me 20 të arrestuar! Përgjimet zbardhin dhe atentatet dhe vrasjen e sarandiotit Ari Papa
6 Dhjetor, 12:43 -
Vrasja e Alfred Dedjas te ‘Kështjella’, Policia e Tiranës pritet të rikthehet në vendngjarje për të kërkuar armën e krimit! Çfarë ndodh nëse nuk gjendet
4 Dhjetor, 12:19
-
Itali, 8 të arrestuar për trafik ndërkombëtar droge, me vlerë 1 mln euro xhiro mujore! Në Shqipëri ishte qendra, ku transferoheshin dhe fitimet, në Bari bazat logjistike (VIDEO)
3 Dhjetor, 14:43 -
Vrasja e Alfred Dedjas, SPAK përgënjeshtron Berishën për të dytën herë në 24 orë: Viktima s’është i përfshirë në rrëmbimin dhe zhdukjen e Jan Prengës më 2020
2 Dhjetor, 18:06 -
Interpoli sjell në pranga nga Greqia të kërkuarin për trafik klandestinësh në Angli! I jep Turqisë 50-vjeçarin Akman, i dënuar me mbi 17 vite burg për trafik droge (EMRAT)
2 Dhjetor, 15:41
GUSHELLIME FAMILJES.... PORE VRASJA E TIJE SHERBEU QE TE KAPIN GRUPIN ME TE MADHE TE DROGES NUK I DIHET NUMRI.... E I MILONAVE DO TE SEKUSTOHEN SE CDO GJE ESHTE ME TELEKAMRA DHE TELEFONA .....
Përgjigju