Trazirat në Francë, gjyshja e 17-vjeçarit: Ndalni dhunën! Rebelët sulmojnë shtëpinë e kryebashkiakut! Macron takim urgjent me ministrat

Një i afërm i adoleshentit francez të qëlluar nga policia i tha BBC-së se familja nuk donte që vdekja e tij të shkaktonte trazira, por këmbënguli se ligji në rastet kur të ndalon polici duhet të ndryshojë.

"Ne kurrë nuk kemi bërë thirrje për urrejtje apo trazira," tha i afërmi.

Duke folur për BBC pranë shtëpisë së familjes në Nanterre, i afërmi tha se trazirat, ku mijëra francezë u arrestuan, dyqane të grabitura dhe qindra automjete të djegura në të gjithë Francën, nuk nderuan kujtimin e Nahelit.

"Ne nuk kemi kërkuar të thyejmë apo të vjedhim. E gjithë kjo nuk është për Nahelin," i thanë ata BBC-së, duke folur në kushte anonimiteti, sepse tensionet janë shumë të larta pas të shtënave ndaj Nahelit.

Ata thanë se kishin bërë thirrje për një "Marshim në rrugë. Ecje në kujtim të Nahelit. Ecje, madje edhe duke demonstruar, por pa shpërthime". I afërmi tha se autoritetet franceze tani duhet të ndryshojnë ligjin që lejon policët të qëllojnë gjatë ndalesave të drejtuesve të mjeteve.

I afërmi i Nahelit bëri thirrje për "trajnim më të mirë për policinë franceze dhe rishikimin e ligjit që lejon policinë të përdorë armën nëse një person refuzon të ndalojë. Anais, një mikeshë e familjes dhe fqinje i tha gjithashtu BBC-së se të qenit një i ri me ngjyrë në periferi të Francës do të thotë të jesh çdo ditë subjekt i racizmit, dhunës dhe profilizimit racor.

"Ata [policia] i poshtëron, i fyen dhe nuk u flasin siç duhet. Dhe tani i vrasin! Nuk është hera e parë që ndodh," tha ajo.

I afërmi i Nahelit tha se si pasojë e kaosit të vazhdueshëm, familja nuk kishte pasur asnjë moment të ulet së bashku dhe ta kujtonte atë.

"Ne duam që gjithçka të qetësohet. Rrjetet sociale, trazirat, gjithçka duhet të qetësohet. Me gjithë këtë, ne nuk kemi pasur kohë të ulemi për pesë minuta së bashku dhe të mendojmë se si ka ikur ai tani," thanë ata.

Më herët, gjyshja e Nahelit gjithashtu bëri thirrje për t'i dhënë fund dhunës dhe akuzoi rebelët për përdorimin e vdekjes së Nahelit si justifikim.

Presidenti Emmanuel Macron po takohet me ministra dhe zyrtarë të lartë të sigurisë pas trazirave në Francë pas vrasjes së 17-vjeçarit nga efektivi i policisë.

Në mesin e të pranishmëve janë Elisabeth Borne, kryeministrja franceze, Gérald Darmanin, ministri i brendshëm dhe ministri i drejtësisë Éric Dupont-Moretti.

Më herët kemi raportuar se 45,000 oficerë policie janë vendosur në të gjithë vendin në përpjekje për të shuar protestat që kanë vazhduar për pesë mbrëmje radhazi.

Teksa shikon pamjet nga zona periferike jugore e Parisit, L'Hay-les-Roses, është e vështirë të imagjinohet se një sulm ka ndodhur këtu herët këtë mëngjes, kundrejt një gruaje me dy fëmijë.

Shtëpia e kryebashkiakut Vincent Jeanbrun ndodhet në një rrugë të qetë me pemë, e cila do të dukej shumë normale nëse makina e policisë, kordoni dhe turma e gazetarëve të mbledhur jashtë nuk do të ishin aty.

Një grua, e cila jeton afër shtëpisë së kryebashkiakut, flet rreth sulmit që iu bë shtëpisë në orët e para të mëngjesit të sotëm.

 “Ne mendojmë se ajo që është bërë dhe ajo që bëjnë të rinjtë nuk është aspak e mirë. Ata nuk duhet ta bëjnë këtë. Por në të njëjtën kohë qeveria dhe kryetarët e bashkive duhet të shqetësohen për këta të rinj që nuk dinë çfarë të bëjnë gjatë ditës”,  thotë fqinja e kryebashkiakut.

Ajo beson gjithashtu se të rinjtë francezë duhet të përfshihen më shumë në politikë.

“Ata duhet të votojnë për njerëzit që do të donin të kishin në pushtet”, thotë fqinja.

Pas funeralit të Nahelit ditën e djeshme, Franca ka kaluar natën e pestë të trazirave, me përleshje të rënda midis policisë dhe protestuesve.

Gjatë natës, situata doli jashtë kontrollit dhe rebelët sulmuan shtëpinë dhe familjen e kryebashkiakut të L'Hay-les-Roses.

Pas kësaj ngjarje autoritetet u alarmuan dhe vendosën shtim të masave të sigurisë, duke e çuar në 7000 numrin e oficerëve të policisë, të cilët do vendosen në Paris dhe në zonat përreth.

Gjyshja e Nahel ka bërë thirrje për qetësim të protestave pas natës së pestë të trazirave në të gjithë Francën, pasi nipi i saj 17-vjeçar u vra nga një efektiv policie.

Ndonëse në dhimbje për humbjen e nipit të saj dhe për gjendjen e së bijës, gjyshja e 17-vjeçarit ka gjetur kurajon për t’i thënë ‘ndal’ trazirave që kanë bërë Francën të ‘vlojë’ prej pesë netësh.

Në deklaratën e saj prekëse ajo tha se nipi i saj tashmë ka vdekur dhe bashkë me të edhe vajza e saj, nëna e Nahel.

“Nahel ka vdekur, ka vdekur”, thotë ajo. "Vajza ime ka humbur... Ajo nuk ka më jetë."

Teksa përsërit thirrjet e saj për qetësi dhe ndërprerje të trazirave.

"Mos i prishni shkollat, mos i prishni autobusët. Janë nënat e tjera që marrin këta autobusë", tha gjyshja e Nahel.

Kancelari Olaf Scholz tha të dielën se po sheh me shqetësim situatën në Francë. Reagimi i tij erdhi pasi presidenti francez Emmanuel Macron shtyu një vizitë për në Gjermani për shkak të protestive pas vrasjes së adoleshentit.

Në një intervistë për një television gjerman, Scholz tha se ndërsa sheh i shqetësuar situatën, ka besim se Macron do ia dalë ta zgjidhë me qetësi.

“Unë nuk pres që Franca të bëhet e paqëndrueshme, ndonëse imazhet sigurisht që janë shumë shqetësuese”, tha ai.

Gjyshja e Nahel ka bërë thirrje për qetësi pas natës së pestë të trazirave në të gjithë Francën pasi nipi i saj 17-vjeçar u vra nga policia.

"Ne nuk duam që ata të shkatërrojnë dyqanet, autobusët dhe shkollat," tha Nadia për BFM TV.

“Po e përdorin Nahelin si justifikim”, thotë ajo, “Ne duam që gjërat të qetësohen”.

Por ajo thotë se ka besim se punonjësi i policisë do të ndëshkohet si gjithë të tjerët.

Pas trazirave në Francë, kryeministrja Elisabeth Borne, ka vizituar zonën e L’Haÿ-les-Roses, ku protestuesit kanë sulmuar shtëpinë e kryebashkiakut Vincent Jeanbrun, duke plagosur kështu bashkëshorten e tij, teksa përpiqej të largohej së bashku me dy fëmijët.

Kryeministrja Borne tha se sulmi është tronditës, ndërsa bëri thirrje që autoritetet të ndëshkojnë autorët me ashpërsinë më të madhe.

"Ne nuk do të lëmë asnjë dhunë të pandëshkuar," tha ajo, duke kërkuar që përgjegjësit të sanksionohen me "ashpërsinë më të madhe".

David Lisnard 

Shoqata e Kryetarëve të Bashkive të Francës u ka bërë thirrje qytetarëve dhe kryebashkiakëve të Francës që të mblidhen para bashkive anembanë vendit të hënën për t'i treguar mbështetje kryebashkiakut të L'Hay-les-Roses, Vicent Jeanbrun, shtëpia e të cilit u sulmua gjatë natës, teksa gruaja dhe fëmijët e tij po flinin.

“Shoqata e Kryetarëve të Bashkive të Francës ka vendosur t'u bëjë thirrje të zgjedhurve dhe popullatës që të ndërmarrin veprime, ne nuk dorëzohemi dhe ne do të vazhdojmë të bëjmë  punën tonë çdo ditë derisa rendi të kthehet”, tha presidenti i shoqatës David Lisnard.

Shtëpia e kryebashkiakut Vincent Jeanbrun, u sulmua rreth orës 01:30 nga rebelët e protestave disa ditore të mbajtura në Francë.Ata u përpoqën t’i vinin flakën shtëpisë së kryebashkiakut dhe qëlluan me fishekzjarrë gruan dhe fëmijët e tij të vegjël, të cilët ishin në gjumë kur agresorët përplasën portat dhe i vunë flakën makinës para derës së shtëpisë.

Pas funeralit të Nahelit ditën e djeshme, Franca ka parë natën e pestë të trazirave, me përleshje të rënda midis policisë dhe rebelëve në qytetin jugor të Marsejës.

Shtëpia e një kryetari bashkie u sulmua në një periferi të Parisit gjatë natës dhe ka një prani të shtuar të sigurisë të dielën në mëngjes.

Në foto tregohen pamjet pas natës së mbrëmshme , e cila ishte më e qetë se të mëparshmet, veçanërisht në periferi të Parisit por ministria e brendshme ende numëroi më shumë se 570 automjete dhe 74 ndërtesa të djegura në të gjithë vendin.

Shpresa është se vala e trazirave ka arritur kulmin dhe tani do të fillojë të zvogëlohet, megjithëse vetëm ditët dhe netët e ardhshme do të tregojnë nëse është vërtet kështu.

Në zonën periferike të Parisit, në L’Haÿ-les-Roses, protestuesit kanë sulmuar shtëpinë e kryebashkiakut Vincent Jeanbrun, duke plagosur kështu bashkëshorten e tij, teksa përpiqej të largohej së bashku me dy fëmijët.

Teksa Vincent Jeanbrun ishte akoma zyrën e tij, rreth orës 01:30, rebelët e protestave disa ditore të mbajtura në Francë u përpoqën t’i vinin flakën shtëpisë së kryebashkiakut dhe qëlluan me fishekzjarrë gruan dhe fëmijët e tij të vegjël, të cilët ishin në gjumë kur agresorët përplasën portat dhe i vunë flakën makinës para derës së shtëpisë së kryebashkiakut.

Kur gruaja dhe fëmijët e tij të vegjël tentuan të arratiseshin, ata u goditën nga fishekzjarrët si pasojë e së cilës u plagosën bashkëshortja dhe një nga fëmijët.

Në një deklaratë, kryebashkiaku Jeanbrun tha se makina ishte djegur në një përpjekje për t'i vënë flakën vetë shtëpisë dhe për të vrarë gruan e tij dhe dy fëmijët e vegjël që flinin lart.

“Ishte një tentativë vrasjeje e një frikacake të papërshkrueshme", tha kryebashkiaku Jeanbrun, i cili tha se kishte qenë në zyrën e tij, si në tre netët e mëparshme, kur ndodhi sulmi.

“Nëse prioriteti im sot është të kujdesem për familjen time, vendosmëria ime për të mbrojtur dhe për t'i shërbyer Republikës është më e madhe se më parë”, tha ai, duke falënderuar shërbimet e urgjencës për ndërhyrjen.

Policia është ende në kërkim të autorëve, teksa po tenton të bashkojë elementët fillestarë të këtij hetimi për vrasje të mbetur në tentativë.

Konsullata e Përgjithshme e Kinës në Marsejë është ankuar, pasi gjatë natës së pestë të trazirave në Francë një autobus që transportonte një grup turistësh kinez, u sulmua nga një grup rebelësh, të cilët thyen xhamat e autobusit duke shkaktuar lëndime të lehta të personave që ndodheshin brenda.

Përmes një deklarate zyrtare Konsullata e Përgjithshme e Kinës në Marsejë, kërkoi që Franca të garantojë sigurinë e qytetarëve kinezë dhe pronave të tyre, ndërsa u bëri thirrje qytetarëve kinezë në Francë ose që shkojnë në Francë që të jeni më vigjilentë dhe të kujdesshëm.

Trazirat në të gjithë Francën dukej të ishin më pak intensive të shtunën, pasi dhjetëra mijëra policë ishin vendosur në qytete në të gjithë vendin pas funeralit të adoleshentit, megjithëse pati disa tensione në qendër të Parisit dhe përleshje sporadike në Nice, Strasburg dhe Marsejë.

Protestuesit në Francë sulmuan banesën e kryetarit të bashkisë të L'Ha-les-Roses në Val-de-Marne, një komunë në jug të Parisit. 

Gruaja dhe dy fëmijët e tij ishin në gjumë kur sulmuesit e panjohur u përplasën përmes portave dhe i vunë flakën makinës.

Kur gruaja dhe fëmijët e tij të vegjël tentuan të largoheshin, ata u goditën nga fishekzjarrët si pasojë e së cilës u plagosën gruaja dhe një nga fëmijët.

Ishte “një tentativë vrasjeje e një frikacaku të papërshkrueshëm”, tha kryebashkiaku Jeanbrun.

Vetë kryebashkiaku Vincent Jeanbrun , publikoi një postim në Twitter gjatë natës: "Gruaja dhe fëmijët e mi janë të shokuar dhe të lënduar", shkruante Jeanbrun. Policia ka nisur një hetim.