POP 5

Lajmet më të lexuara të 5 minutave të fundit

Kronikë

Vrasja e Albi Bashaliut në Peqin, arrestohen djali i xhaxhait dhe fqinji i tij! Ndihmuan autorin dhe tentuan të fshihnin ngjarjen

Dy persona, të dyshuar si bashkëpunëtor të autorit të vrasjes së Albi Bashaliut në fshatin Gjoçaj të Peqinit janë arrestuar sot nga Policia. Mësohet se në pranga kanë rënë Veiz Bashali, djali i xhaxhait të viktimës dhe Mikel Xhaja, fqinji i tij.

Të qënit një gjak nuk e ka ndaluar djalin e xhaxhait të Albi Bashaliut që të ndihmonte në ekzekutimin e tij. Veiz Bashaliu, 41 vjeç u arrestua sot bashke me fqinjin e tij, Mikel Xhaja 30 vjeç, të cilët akuzohen se ndihmuan autorët në ekzekutimin e 32-vjeçarit Bashaliu.

Sipas Policisë, Bashaliu dhe Xhaja kanë tentuar të fshehin rrethanat e ngjarjes dhe kanë penguar policinë për t’u informuar për krimin, rrethanat si ka ndodhur dhe motivin.

Burimet thanë se Veiz Bashali dhe Mikel Xhaja kanë qenë tek lokali ku ndodhi ngjarja. Kur është pyetur nga policia Veiz Bashali, djali i xhaxhait të viktimës, ka thënë se "unë nuk kam pare gjë se jam shtrirë". Ndërkohë Mikel Xhaja në përgjim ambiental ka folur duke theksuar "çfarë na duhet ne më mirë themi s'kemi parë e as kemi dëgjuar gjë".

Albi Bashaliu u ekzekutua mëngjesin e të hënës nga dy persona të cilët e qëlluan atë sapo doli nga automjeti. Pas e qëlluan disa herë dhe u siguruan mirë që kishte vdekur, autorët i vunë flakën automjetit të tyre pasi nuk u ndez për t'i larguar nga vendi i ngjarjes dhe u arratisën me makinën e viktimës.

Automjeti u gjet dje në Gosë të Kavajës, i pa djegur, ndërsa brenda nuk u gjet arma e krimit.

Pista kryesore e hetimeve është e hakmarrjes, kjo sepse Albi Bashaliu është vëllai i Leonard Bashaliu. Ky i fundit ka ekzekutuar 6 muaj më parë Ylber Xhahysën pas sherrit për gërvishtjen e makinës. Kjo është pista kryesore e hetimeve, e megjithatë, vetë viktima Albi Bashaliu ishte arrestuar në vitin 2017, pasi kishte qëlluar me automatik mbi dy persona.

/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gjergj: 29/12/2021 14:12

    Shqipèria e halldupève. Fillon me "arsyen e konfliktit", gèrvishtje makine. "Natyrisht dhe pa asnjè mèdyshje", pèr gèrvishtje llamarinash, duhet tundur kallashi. Po nuk e tunde, tallen shkencètarèt peqinas me ty. Vazhdon rrumpalla me "mjeshtrat e policisè dhe prokurorisè", qè nè pamundèsi pèr tè kapur autorèt, lidhin cilin tu dalè pèrpara dhe krijojnè pèrshtypjen e tè qènit tè pèrfshirè nè krim. "Media e pavarur" pastaj, bèn tellallin e gomerève. O milet, a e morèt vesh? Çuni i xhajès na doli spec djegès. Shqipèri, tè kam dhjerè, s,tè kuptova asnjèherè.(Faik Konica)

    Përgjigju
  • Njoni: 29/12/2021 13:21

    Gallat shqiperije Ghynah ai e ka djal xhaxhaj po ka frik ose ndoshta seka pare. Se ai deshmitari qe foli per medjat diten e vrasjes tha .. se vetem un e pash se te tjeret u shtrin barkas… perkurorija sgjen dot vraserit por bon gabimin fatal . Fut në hasmeri pa prova. Djalin e xhaxhaj dhe komshiun. Hajde shtet hajde. Dhe thot shteti Pse bohen vrasjet .

    Përgjigju
  • Grupi: 29/12/2021 12:30

    Me sa kuptohet u arestuan se kane frike te deshmojne? Hajde polici e shtetit dhe prokurori hajde. Po vrasesit?? Ata po duhet te deshmojne ose dhe ata do akuzohen per moskallezim krimi...

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

24 Nëntor, 22:57