POP 5

Lajmet më të lexuara të 5 minutave të fundit

Kronikë

Vrasja e Behar Sofisë, nis gjyqi për organizatorin Jemin Shera, SPAK dorëzon 3 akt-ekspertime të reja telefonike: Kemi 168 prova shkresore

Pasi ishte pezulluar prej një viti për shkak të mosarrestimit  nga policia  gjykata e posacmme ka nisur të gykojë ne mungesë  për Jemin Sherën  të dyshuarin si organizator te vrasjes së biznesmenit Behar Sofia. Spak ka  kërkuar pyetjen  16 deshmitarëve ndërsa dorezoi ne gjykat edhe tre aktekspertime të reja telefonike.

Gjykata e Posaçme filloi gjykimin në mungesë për Jemin Sherën i akuzuar si organizator i vrasjes së Behar Sofisë në 25 shkurt të vitit 2021, në afërsi të piramidës në Tiranë.

Pavarësisht kërkimeve që janë bërë nga policia Shera nuk është gjetur, ndërsa në banesën e tij në Zallherr nuk ka pasur asnjë person. Vëllai i të pandehurit ka theksuar para hetuesve nuk kishte dijeni për vendndodhjen e tij. Në këto kushte Prokuroria kërkoi që të niste procesi në mungesë, gjë e cila u pranua nga gjykata.

Emri i Jemin Sherës është regjistruar për herë të parë nga SPAK në datën 29 mars 2022, si një nga të dyshuarit e vrasjes së Behar Sofisë. SPAK relatoi në gjykatë se Shera e ka marrë porosinë nga persona ende te paidentifikuar dhe me pas ka krijuar grupin kriminal. Ata e kanë vëzhguar Behar Sofinë për 6 muaj deri në momentin e ekzekutimit.

Prokurorja Dolores Musabelliu tha ne gjykatë se do të paraqesë 168 prova shkresore, ndërsa kërkon 16 dëshmitarë përfshirë edhe 5 të bashkëpandehurit, Bujar Leza, Xhuliano Visha, Skënder Vathi, Leonard Xhixha si edhe bashkëpunëtorim e drejtësisë Ernejt Shyti.

SPAK dorëzoi në gjykatë 3 akt-ekspertime telefonike të reja, që nuk ishin sjellë më herët në gjykatë dhe që kanë lidhje me të kërkuarin. Për 4 të bashkëpandehurit SPAK ka kërkuar nga 30 vite burg ndërsa për bashkëpunëtorin e drejtësisë Ernejt Shyti ka kërkuar 7 vite. Vendimi ende nuk është dhënë sepse nuk kanë përfunduar konkluzionet e mbrojtjes. Seanca e radhës u la në 26 Janar ora 12:00 ku do të dëgjohen nga gjykata 5 dëshmitarët e parë që janë kërkuar nga Prokuroria.

Behar Sofia, i njohur si "padron droge", u ndoq nga ekzekutori Ernejt Shyti disa metra pranë shtëpisë së tij, i ka dalë para 66 vjeçarit dhe e ka qëlluar mëngjesin 25 shkurtit (2021) afër Piramidës në kryeqytet. I veshur sportiv, me kapele, syze e maskë anti-COVID pasi ka bërë atentatin autori është larguar dhe ka kaluar në këmbë urën e Lanës. Më pas ai ka marrë një biçikletë pranë kullave dhe është larguar drejt Kodrave të Liqenit. Shyti u arrestua në Mal të Zi ndërsa në dëshminë e dhënë në Gjykatë ka treguar me detaje rolin e të pandehurve të tjerë.

B.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Neymar do të bëhet baba për herë të katërt (VIDEO)

Neymar do të bëhet baba për herë të katërt (VIDEO)

26 Dhjetor, 18:21