POP 5

Lajmet më të lexuara të 5 minutave të fundit

Kronikë

Autori i vrasjes së Behar Sofisë, Ernejt Shyti ‘zbërthehet’ në GJKKO: Vrasja për hasmëri! E ndoqa për 28 ditë! Do merrja 5 mln lekë

Ernejt Shyti, ekzekutori i biznesmenit, njëherësh bashkëpunëtor i drejtësisë ka vijuar dëshminë këtë të premte në Gjykatën së Posaçme, ku tregoi rolin që kanë patur të gjithë të pandehurit e tjere të arrestuar.

TIRANË- Ernejt Shyti, ekzekutori i biznesmenit Behar Sofia, njëherësh bashkëpunëtor i drejtësisë ka vijuar dëshminë këtë të premte në Gjykatën së Posaçme, ku tregoi rolin që kanë patur të gjithë të pandehurit e tjere të arrestuar.

Si "dajo" ai identifikoi shtetasin Skënder Vathi, ndërsa "djali i ri" tha se thirrej i pandehuri tjetër  Leonard Xhixha. Për Vathin tha se ishtë takuar para ngjarjes te terminali ndërqytetas i autobusëve pranë Qytetit Studenti, ndërsa ditën e ngjarjes nuk i kishte dalë në takim pranë Liqenit Artificial.

Shyti foli edhe për dy vrasje të tjera që kishte përgatitur grupi, atë të një 34-vjeçari në Kamëz, për të cilin tha se nuk ia kishte mësuar emrin dhe të një tjetër shtetasi në Gjermani.

"Për asnjërin nuk kisha as emër as fotografi. Xhuljano Visha më kishte porositur, por pa më dhënë detaje”,  deklaroi ai në seancë. Shyti tha se vrasjen në Kamëz do ta kryente Xhuliano Visha, ndërsa vrasjen në Gjermani do e kryenin se bashku kundrejt 500 mijë eurove. Sa i takon vrasjes së Behar Sofisë, Shyti tha se e kishte vëzhguar për rreth 28 ditë, madje më herët e kishte ndjekur Behar Sofinë nga Piramida deri tek ish-ekspozita ku megjithëse e kishte identifikuar nuk kishte mundur ta kryente dot vrasjen.

Bashkëpunëtori i drejtësisë tha se për vrajsejn e Sofisë i ishin premtuar  për 5 milion lekë, po këto para nuk  i kishte marrë  pavarësisht se Xhuljano Visha ia kishte premtuar se  do t'i merrte 3 ditë pas ngjarjes. Ai tha se bicikleten dhe armën me te cilën kreu vrajsen  ia kishte siguruar Bujar Leza. Ndërsa i arrestuari tjeter Skënder Vathi do e merrte te Liqeni Artificial, pas ngjarjes por ai nuk kishte ardhur. Bashkëpunëtori i drejtësisë tha se  menjehere pas ngjarjes kishte ikur drejt Malit të Zi me vëllanë dhe Xhuljano Vishen. Në seancën e radhës prokuroria ka kërkuar të japin deklarime edhe të pandehurit e tjerë.

B.K./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Spahiu: Vota e emigrantëve rrezikon të devijohet nga 11 Marsi kur të publikohen emrat e regjistruar

Spahiu: Vota e emigrantëve rrezikon të devijohet nga 11 Marsi kur të publikohen emrat e regjistruar

27 Janar, 23:00