Ekzekutimi i biznesmenit në Greqi/ Dëshmitari okular rrëfen si ndodhi vrasja! Së fundmi kishte konflikte me gruan për disa miliona euro

Detaje të reja kanë dalë në dritë në lidhje me Christos Gialias, biznesmenin e njohur grek, i cili u ekzekutua më 7 shkurt në periferi të Mandrës, në Atikën Perëndimore të Greqisë.

Në kuadër të hetimeve për vrasjen e 59-vjeçarit, një mik i viktimës ka dëshmuar vrasjen e parë nga afër, duke shtuar atë natë se ka qenë bashkë me viktimën dhe e kishte ftuar për një pije në shtëpinë e tij.

“Unë dhe Kristos e filluam biznesin së bashku. Shkonim në shtëpinë e tij për t’u ulur. U vonova pak, por e ndiqja në një distancë rreth 100 metra. Në një moment humba shikimin për shkak të rrugës dhe kthesave. Kam dëgjuar disa të shtëna. Kur mbërrita në rrugën Agia Aikaterini, pashë makinën e Kristos në flakë. Pranë tij pashë një motoçikletë me motor të madh me dy persona duke u larguar me shpejtësi të madhe. Nga distanca pashë dy persona me motor që po largoheshin. Por, kuptoni, nuk arrita t’ua shoh as fytyrat, as llojin e makinës, as numrin nga targat. Por më dukej se motoçikleta ishte një model i vjetër”, deklaroi shoku i viktimës për policinë”,- është shprehur dëshmitari në polici.

LEXO EDHE:
Rama nuk heq dorë nga takimi me shqiptarët: Më 12 maj jam në Athinë, nisim rrugëtimin e pranverës në diasporë

Ndër të tjera, dëshmitari ka deklaruar se në vendngjarje, teksa afrohej, ka dëgjuar një frazë, e cila ka zgjuar dyshime dhe pista të reja për hetuesit.

“Nuk më dëgjuat, pse?”,- është fraza që pretendohet se miku i biznesmenit të vrarë ka dëgjuar të jetë thënë nga autorët.

Oficerët që po hetojnë vrasjen do të presin rezultatet e ekzaminimit të kallashnikovit të gjetur në makinë, ndonëse flakët dhe uji i hedhur nga Shërbimi Zjarrfikës ka shumë të ngjarë të mos kenë lënë asnjë provë pas.

Sipas mediave greke autoritetet po hetojnë edhe mosmarrëveshjet që viktima ka pasur me partneren e tij, për zhdukjen e disa milionë eurove.

K.M/Shqiptarja.com

TAG:
• greqi
• christos gialias