TIRANË- Një vajzë ka pasur kontaktin e fundit me Erigers Mihasin, i ekzekutuar me breshëri plumbash të shtunën në Tiranë. Pavarësisht se dëshmia e saj nuk ka ndihmuar hetuesit të shkojnë drejt autorëve, ajo u tha se kishte bërë një xhiro nëpër Tiranë me makinën tip “Audi”. E reja ka treguar se zbriti në afërsi të Komunës së Parisit, ndërsa mesazhi i fundit që 32-vjeçari i dërgoi në celular ishte një ikonë trëndafili.Levizjet e saj  konfirmohen edhe pas kqyrjes së kamerave të sigurisë në zonë.

Nga Komuna e Parisit, Erigers Mihasi dhe Armand Dumani shkuan në drejtim të Unazës së Madhe dhe brenda pesë apo gjashtë minutash makina e tyre u qëllua me breshëri plumbash kallashnikovi. Hetuesit nuk kanë akoma emra konkret autorët për atentatin, por ngrihen dyshime  për konflikt midis bandash në territorin e kryeqytetit. Shumë banesa nëdisa zona të Tiranës janë kontrolluar dhe mbi 20 veta u shoqëruan.

Një burim konfirmon për Report Tv se kontroll është bërë kontroll edhe në banesën e Elvis Gaçajt, i njohur anëtar i klanit “Duka”. Gjatë kontrollit, Gaçaj nuk është gjetur në banesë, kurse bashkëshortja e tij u tha se ishte jashtë Tirane për peshkim dhe celularin nuk e kishte me vete.

Grupi që bënë pjesë Gaçaj është rival me grupin e Ervis Martinaj dhe për këtë arsye hetuesit dyshojnë nëpërfshirjene tij në ngjarje. Gacaj i njohur si “gabeli” ka qënë një nga të dyshuarit kryesor për vrasjene Santiago Malkos, por asnjëherë nuk u vërtetua me prova. Hetuesit janë në pritje të përgjigjes së kompanive celulare për të verifikuar komunikimet e fundit të dy viktimave. Ka dyshime se ata janë telefonuar gjatë ditës dhe përmes tabulateve synohet të sigurohen të dhëna të rëndësishme për zbardhjen e ngjarjes.

Në ekspertizën paraprake të atentatit thuhet se Erigers Migasi është qëlluar me 13 plumba në trup, pjesa më e madhe e tyre në shpinë dhe gjoks, ndërsa një tjetër plumb e ka kapur në qafë. Shoku i tij, Armand Dumani mori katër plumba në pjesën e sipërme të trupit.