Vrasja e ekstremistit grek, Dule letër Metës: Trupi t’i kthehet familjes, çështja po trajtohet me indiferencë

Kryetari i Partisë Bashkimi për të Drejtat e Njeriut Vangjel Dule, i ka drejtuar një letër të hapur presidentit të vendit, Ilir Meta, lidhur me varrosjen e trupit të ekstremistit grek të vrarë në Bularat, Konstantinos Kaçifa.

Dule kërkon nga Meta, impenjim për këtë çështje si edhe rikthimin e trupit të Kaçifas tek familja. Dule shton se kjo çështje nuk mund të trajtohet me indiferencë.

Reagimi i plotë

Kryetari i Partisë Bashkimi për të Drejtat e Njeriut z. Vangjel Dule, iu drejtua sot me një letër Presidentit të Republikës z. Ilir Meta, duke kërkuar impenjimin e tij edhe në cilësinë e Kryetarit të Këshillit të Lartë të Drejtësisë, për çështjen e të ndjerit Konstandinos Kaçifas dhe dorëzimin e trupit të tij për varrim.

Çështja e dhimbjes së familjarëve, sensibilitetit të Komunitetit Grek dhe dimensioni human për të kryer ritet e përcjelljes, nuk mund të trajtohet me indifirencë burokratike dhe formalitete justifikues.

Konstantinos Kacifa u vra ditë më parë nga RENEA, pasi qëlloi me breshëri mbi policinë. Ai nuk pranoi të dorëzohej dhe RENEA e qëlloi. Kacifa njihej si ekstremist grek dhe ishte pjesë e grupeve nacionaliste-ekstremiste greke. Pas vrasjes, familja pati pretendime për trupin e të riut, dhe akuzoi RENEA-n se fillimisht e kishte plagosur dhe më pas e kishte vrarë. Përvec ekspertëve mjeko-ligjor grek, trupin e Kacifas, e pa edhe një mjek ligjor grek, si edhe avokati i familjes, i cili pranoi faktin se i riu nuk ishte vrarë nga afër por nga larg. Avokati paralajmëroi se familja do të tërhiqej nga ekspertiza e dytë. Trupi i Kacifa ndodhet në morgun e QSUT-së në Tiranë, pasi u soll për tju nënshtruar për herë të dytë autopsisë, pas kontenstimeve të familjes dhe kërkesës së palës greke.

TAG:
• Ilir Meta
• vangjel dule
• vrasja e grekut ne gjirokaster
• Kostandin Kacifas