POP 5

Lajmet më të lexuara të 5 minutave të fundit

Bota

Vrasja e gazetarit Jamal Khashoggi dhe të drejtat e njeriut fokusi kryesor i bisedës së Biden me mbretin saudit

Në telefonatën e tij të parë si president i SHBA me mbretin saudit Salman të enjten, Presidenti i Shteteve të Bashkuara Joe Biden theksoi nevojën për respektimin e të drejtave të njeriut, pak përpara botimit të një raporti të inteligjencës amerikane për vrasjen e gazetarit saudit  Jamal Khashoggi, në konsullatën në Stamboll.

Vrasja e gazetarit Jamal Khashoggi dhe të drejtat e njeriut fokusi kryesor i bisedës së Biden me mbretin saudit

Në telefonatën e tij të parë si president i SHBA me mbretin saudit Salman të enjten, Presidenti i Shteteve të Bashkuara Joe Biden theksoi nevojën për respektimin e të drejtave të njeriut, pak përpara botimit të një raporti të inteligjencës amerikane për vrasjen e gazetarit saudit  Jamal Khashoggi, në konsullatën në Stamboll.

Raporti, që do të publikohet së shpejti, pritet të implikojë në vrasje djalin e mbretit, princin e kurorës, Mohammed bin Salman, pavarësisht se ky i fundit e ka refuzuar përfshirjen në krim. 

Khashoggi u vra në tetor 2018 pasi hyri në konsullatën saudite në Stamboll për të mbledhur dokumentet që i duheshin për t'u martuar, me të fejuarën e tij turke. Vrasja shkaktoi zemërim ndërkombëtar dhe dëmtoi ndjeshëm reputacionin ndërkombëtar të Arabisë Saudite.

Një raport i Kombeve të Bashkuara për vrasjen e Khashoggi deklaroi më parë se ekspertët e konsultuar e gjetën “të pa-konceptueshme që një operacion i kësaj shkalle të mund të zbatohej pa dijeninë e princit”.

Biden foli me mbretin Salman në vend të Princit, i cili shihet gjerësisht si udhëheqësi i Mbretërisë në vend të babait të tij 85-vjeçar. Ish-presidenti Donald Trump, ka mbajtur lidhje më të ngushta me Arabinë Saudite, por një gjë e tillë duket se nuk do të mbahet në të njëjtin mënyrë nga Biden.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të lejohet mjeku të punojë njëkohësisht në spital publik e privat?

Lajme të tjera



×

Lajmi i fundit

Një uragan i pandërprerë si dhuratë për botën

Një uragan i pandërprerë si dhuratë për botën

3 Korrik, 08:08 nga Enver Robelli