Vrasja e Kostandin Kacifas në Bularat në 2018, Gjykata e Gjirokastrës pushon hetimet: Është vetëvrarë

Tre vite pas vrasjes së Kostandinos Kacifas, Gjykata e Gjirokastrës ka pushuar zyrtarisht çështjen për ekstremistin grek.

Ekspertiza e mjekëve ligjorë shqiptarë arriti në përfundimin se Kacifas është vetëvrarë pasi dy plagët në trupin e viktimës janë kryer me puthitje dhe kanë faktorë plotësues të barutit dhe djegies së lëkurës, duke përjashtuar zyrtarisht ekzekutimin e tij nga RENEA.

Sipas ekspertizës mjeko-ligjore, asnjë armë e forcave RENEA nuk ka qëlluar mbi Kostandin Kacifan.

Kujtojmë se çështja e Kacifas solli edhe përplasje mes Gjykatës dhe Prokurorisë në Gjirokastër. Kjo për shkak se Gjykata nuk pranoi kërkesën e prokurorisë më 11 tetor për pushimin e hetimeve për vdekjen e Kacifas duke e kthyer atë dhe duke urdhëruar kryerjen e disa veprimeve të tjera hetimore.

Kujtojmë se Kacifas ndërroi jetë më 28 tetor 2018, gjatë shkëmbimit të zjarrit me forcat RENEA. 35-vjeçari ishte pjesë e batalionit të Forcave Speciale të Forcës Tokësore, ndërsa  ditën e festës kombëtare greke, që përkujton fillimin e luftës me Italinë, që përkujton fillimin e luftës me Italinë ai qëlloi me kallashnikov ndaj një patrulle policie që ndodhej në fshat duke rrezikuar jetën efektivëve, që fatmirësisht shpëtuan.

Pas lokalizimit nga policia në Bularat, Kacifas nuk iu bind urdhrit për të hedhur armën, për t’u dorëzuar duke refuzuar, madje duke qëlluar me armë në drejtim të bluve. Ai hapi zjarr ndaj efektivëve të policisë në breshëri për më shumë se 30 minuta.

Vdekja e tij solli jo pak tensione me Greqinë, ndërsa familjarët e 35-vjeçarit ngritën një sërë pretendimesh për këtë çështje.