POP 5

Lajmet më të lexuara të 5 minutave të fundit

Kronikë

Vrasja e Lamajt, dëshmitarja e
mbrojtur: Pashë Frrokun në makinë

Luiza Ndoka ka rikonfrimuar dëshminë e bashkëshortit të saj Arben Ndoka se mbrëmjen e 24 shkurtit ka parë Arben Frrokun në automjetin nga ku u qëllua me breshëri automatiku Dritan Lamaj, ish-shefi i komisariatit të Kombinatit. Luiza dhe Arben Ndoka në procesin gjyqësorë ndaj biznesmenit Arben Frroku i dyshuar i drejtësisë për vrasjen e kryepolicit gëzojnë statusin e dëshmitarëve të mbrojtur. VIDEO
Vrasja e Lamajt, dëshmitarja e<br />mbrojtur: Pashë Frrokun në makinë
TIRANE -  Luiza Ndoka ka rikonfrimuar dëshminë e bashkëshortit të saj Arben Ndoka se mbrëmjen e 24 shkurtit ka parë Arben Frrokun në automjetin BMW me targa Durrësi nga ku u qëllua me breshëri automatiku Dritan Lamaj, ish-shefi i komisariatit të Kombinatit. Luiza dhe Arben Ndoka në procesin gjyqësorë ndaj biznesmenit Arben Frroku i dyshuar i drejtësisë për vrasjen e kryepolicit gëzojnë statusin e dëshmitarëve të mbrojtur.

...
Seanca e radhës për vrasjen e kryekomisarit të Kombinatit Dritan Lamaj, vijoi me dëshminë e bashkëshortes së dëshmitarit të mbrojtur në këtë proces. Në një seancë me dyer të mbyllura në Gjykatën e Krimeve të Rënda, bashkëshortja e dëshmitarit Arben Ndoka (emër i vënë nga drejtësia për arsye të mbrojtjes së tij), dëshmoi me anë të videokonferencës, në salla të veçuara nga i akuzuari për krimin e shkurtit të 2013-ës, biznesmeni Arben Frroku. Ajo tha se mbrëmjen e 24 shkurtit në rrugën “Ibrahim Dervishi” në Tiranë ka parë e identifikuar Arben Frrokun në automjetin prej të cilit u qëllua Lamaj.
 
Në seancën e 27 ndaj Arben Frroku, Gjykata e Krimeve të rënda dëgjoi më në fund edhe rrëfimin e dëshmitarit të mbrojtur, ku sipas tij pak caste pas vrasjes së Lamajt, në automjetin BMW me targa Durrësi nga ku u qëllua kryepolici, ai ka mundur të fiksojë dy persona me kapuç dhe Arben Frrokun të pamaskuar.

Të njëjtaj burime sqaruan për A1Report se gjatë javës së ardhshme pritet të kryhet dhe eksperimenti i kërkuar automobilistik i kërkuar nga mbrojtja e Arben Frrokut, eksperiment me të cilin pritet të vërtetohen nëse itinerari Tiranë-Kapshticë kryhet për 2 orë e 57 minuta.

Sipas mbrojtjes, Frroku kishte planifikuar prej kohësh që më 24 shkurt të udhëtonte drejt Greqisë. Ai është nisur pasditen nga Tirana dhe ka mbërritur në Kapshticë 21:30 sëbashku me Jak Jakun, gjithashtu i arrestuar nga policia për armëmbajtje pa leje.  Arben Frroku u arrestua në Selanik për llogari të drejtësisë shqiptare dhe në dhjetor të 2014 u ekstradua në vendin tonë.
 
Procesi ndaj Arben Frrokut vazhdon të mbahet me dyer të mbyllura.

Arben Frroku është marrë i pandehur nga Prokuroria e Krimeve të Rënda me akuzën e vrasjes në rrethana cilësuese kryer në bashkëpunim ndaj kryepolicit të kombinatit Dritan Lamaj shkurtin e vitit të shkuar si dhe mbajtjes së armëve luftarake.Vetë Frroku nuk e ka pranuar asnjëherë këtë akuzë, teksa procesin ndaj tij e ka quajtur një manipulim të qëllimshëm të organit të akuzës. 

Redaksia Online
(Gre.M/Shqitparja.com)

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Interi në emergjencë totale, Simone Inzaghi: Nuk kam katër mbrojtës

Interi në emergjencë totale, Simone Inzaghi: Nuk kam katër mbrojtës

23 Dhjetor, 10:14