POP 5

Lajmet më të lexuara të 5 minutave të fundit

Kronikë

Vrasja e Lamajt, Gjykata merr në
dorë provat kundër Arben Frrokut

Gjykata e Krimeve të Rënda pranon 8 fashikuj me provat shkresore të Prokurorisë për vrasjen e kryepolicit Dritan Lamaj. Lamaj u vra një vit më parë pranë banesës së tij në lagjen “Vasil Shanto” në kryeqytet. “Me këto prova, -deklaroi prokuroria, -ne vërtetojnë akuzën e ngritur ngaj biznemenit Arben Frroku si të implikuar me vrasjen”. Nuk mungoi reagimi i Frrokut i cili tha se ky është një ekzekutim që prokuroria po i bën atij, njësoj sikur bandat kriminale ekzekutojnë biznesmenë në rrugë. VIDEO
Vrasja e Lamajt, Gjykata merr në<br />dorë provat kundër Arben Frrokut
TIRANE – Në senacën e 16 ndaj biznesmenit Arben Frrokut të pandehur për vrasjen e kryepolicit Dritan Lamaj Gjykata e Krimeve të Rënda pranon kërkesën e prokurorisë duke administruar 8 fashikujt e provave shkresore, të cilat sipas akuzës janë prova që faktojnë implikimin e Frrokut në vrasje.

Por nuk ka munguar reagimi i Frrokut, i cili ka thënë se mbahet padrejtësisht në burg, pasi ai ska asnjë lidhje me vrasjen.

Frroku ka shkuar më tej duke akuzuar se prokuroria po e ekzekuton atë duke e mbajtur në burg, njësoj si bandat kriminale vrasin biznesmen rrugëve të Shqipërisë. Nga seanca e radhës në ngarkim të tij të zhvilluar te Krimet e Rënda, Frroku thotë se ndërsa në rrugë ka një bandë që vret biznesmenë “banda në drejtësi” e mban atë në burg. “Ka dhe një bandë në drejtësi që i ekzekuton, si puna ime, duke u mbajtur kot në burg”, tha Frroku.

Debati në seancë është zhvilluar dhe për mos marrjen ende në pyetje të dëshmitarit të mbrojtur Arben Ndoka, që sipas Frrokut shtyrja e dëshmisë së tij bëhet me qëllim.

Akuza është ende duke shqyrtuar mundësinë teknike për marrjen e dëshmisë së Ndokës tha prokurori Anton Martini, duke konfirmuar faktin se dëshmia do të merret me videokonferencë.

Më tej prokurori Martini ndër provat e paraqitura para gjykatës listoi, pamjet filmike të momentit të vrasjes së kryepolicit Lamaj, përgjigmet telefonike të kryera në numrin e Frrokut dhe një sërë përgjimesh ambientale, dëshminë e dhënë menjëherë pas ngjarjes nga dëshmitari i mbrojtur, i cili sipas akuzës ka dëshmuar dhe targën e mjetit BMV të përfshirë në vrasjen.

Po ashtu akuza vlerëson ndër provat e saj, dhe atë të ekzaminimit të palltos ë biznesmenit Frroku, në të cilën sipas prokurorisë janë gjetur elementë plotësues të qitjes.

Nuk ka munguar dhe ndërhyrja e mbrojtjes nga avokatët e Frrokut, të cilët kanë kërkuar se kur do të dëshmojë dëshmitari i mbrojtur si dhe përgjigjet e eksperimentit se për sa kohë mund të udhëtohet nga Tirana drejt Kapshticës, eksperiment që do të hedh dritë për intinerarin e përshkruar nga Frroku, i cili pretendon se gjatë vrasjes nuk ka qenë në Tiranë, por në rrugën Pogradec-Kapshticë.

Redaksia Online
(Gre.M/Shqiptarja.com)

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kur kthimi në Shqipëri për të investuar, përfundon në zhgënjim

Kur kthimi në Shqipëri për të investuar, përfundon në zhgënjim

22 Dhjetor, 22:51