POP 5

Lajmet më të lexuara të 5 minutave të fundit

Kronikë

Vrasja e Madrit Ulqinakut në Elbasan, policia gjen në ujërat e lumit Shkumbin pistoletën e autorit! Pamje nga arrestimi i 18-vjeçarit

Policia e Elbasanit ka sekuestruar armën e Horgito Peqinit, me të cilën 18-vjeçari vrau Madrit Ulqinakun pas një sherri të çastit mes tyre. Një ditë pas arrestimit të autorit, policia gjeti armën e zjarrit pistoletë me një krehër me 6 fishekë në të, në shtratin e lumit Shkumbin. Në pranga ra edhe bashkëpunëtori i tij Klaudjan Sallufi.

ELBASAN- Policia e Elbasanit ka sekuestruar armën e Horgito Peqinit, me të cilën 18-vjeçari vrau Madrit Ulqinakun pas një sherri të çastit mes tyre mbrëmjen e 17 gushtit. Një ditë pas arrestimit të autorit, policia gjeti armën e zjarrit pistoletë me një krehër me 6 fishekë në të, në shtratin e lumit Shkumbin. Në pranga ra edhe bashkëpunëtori i tij Klaudjan Sallufit, ndrësa janë publikuar pamjet nga arrestimi i dy të rinjve.

Gjykata e Shkallës së Parë Elbasan ka vendosur masën e sigurisë "Arrest në burg", për këta shtetas, për veprat penale "Vrasja me dashje", kryer në bashkëpunim dhe "Mbajtja pa leje dhe prodhimi i armëve, armëve shpërthyese dhe i municionit". Nga hetimet ka rezultuar se këta shtetas, në bashkëpunim me njëri-tjetrin, dyshohet se kanë vrarë, për motive të dobëta, me armë zjarri, Madrit Ulqinakun, mbrëmjen e datës 17.08.2022.

Si ndodhi ngjarja
Horgito Peqini dhe Kaludjan Sallufi së bashku me Ejden Dinon, i cili u arrestua 2 ditë pas ngjarjes së rëndë ishin në shoqërinë njëri-tjetrit kur u përballën me Madrit Ulqinakun dhe shokun e këtij të fundit. Në seancën gjyqësore ku u dha masa e sigurisë 'arrest me burg', Dino tregoi se së bashku me dy miqtë e tij thotë se kishin konsumuar lëndë narkotike dhe kishin dalë në rrugë me armë të ftohta.

Ai kishte një thikë ndërsa autori Horgito Peqini një pistoletë. Mbrëmjen e 17 gushtit, kanë qenë duke lëvizur në rrugë nën efektin e drogës teksa janë përballur me viktimën Madrit Ulqinakun dhe shokun e këtij të fundit ku i kanë kërkuar llogari pse po i shihte dhe se përse e bënë pis. Në konflikt e sipër 18- vjecari Horgito Peqini ka nxjerrë pistoletën dhe qëlloi nga pas 33 vjeçarin duke i shkaktuar vdekjen e menjëhershme. 

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Rusia zbulon komplotin e Ukrainës, bombë e fshehur në altoparlant për të vrarë oficerin e lartë

Rusia zbulon komplotin e Ukrainës, bombë e fshehur në altoparlant për të vrarë oficerin e lartë

28 Dhjetor, 22:17