POP 5

Lajmet më të lexuara të 5 minutave të fundit

Vrasja e Pjerin Xhuvanit në Elbasan, shtyhet për herë të 3 seanca gjyqësore për Arber Paplekajn! Lihen në 'arrest shtëpie' 2 ish-nëndrejtorët e policisë

Gjykata e Elbasanit ka shtyrë për datën 16 shtator seancën gjyqësore ndaj Arbër Paplekajt, i akuzuar për vrasjen e Pjerin Xhuvanit

Shtyhet për herë të tretë seanca gjyqësore në ngarkim të ish efektivit të Reneas Arbër Paplekaj.  Nëse në dy seancat e mëparshme shkak i shtyrjes është bërë mungesa e avokatit të Arbër Paplekaj, sot nuk është paraqitur avokati Demir Çiftja, i cili përfaqëson dy nga punonjësit e policisë, për shkak të një seance tjetër që zhvillohej në SPAK. Ndërsa seanca e radhës u lajmërua pas dy ditësh me datë 16 shtator, gjasat që të shtyhet sërish janë të mëdha. Pala mbrojtëse kërkon të fitojë kohë, pasi skadimi i afateve ligjore do të çonte në pushimin e çështjes.

Prokuroria mbylli hetimet më 25 korrik dhe dërgoi për gjykim dosjen e Paplekës, i cili akuzohet për vrasje në rrethana cilësuese, ndërkohë hetimet vijojnë për Kelmend Xhaferin për akuzën e vrasjes për policin Riza Mujaj për shpërdorim detyre. Për gjithë anëtarët e strukturës për mbrojtjen e votës, Arjan Hoxha, Erjon Demushi etj, është pushuar akuza e heqjes së paligjshme të lirisë. Ndërkohë dy zv drejtorët e policisë Albert Nushi dhe Nikollaq Palla, vijojnë të jenë në “arrest shtëpie”.

Jo më larg sesa paraditen e sotme, avokatët e tyre kërkuan zëvendësimin e masës së sigurisë, pasi sipas tyre kanë ndryshuar kushtet, pra kanë përfunduar hetimet, nuk ka asnjë rrezik për prishjen e provave, nuk ekziston rreziku i largimit të tyre si edhe kushtet ekonomiko-familjare. Por pretendimet e palës mbrojtëse nuk e bindën gjykatën. Kjo e fundit la në fuqi masën “arrest Shtëpie” për ish-nëndrejtorin e policisë Albert Nushi dhe Nikollaq Palla. Të dy akuzohen për shpërdorim detyre lidhur me vrasjen e mjekut Pjerin Xhuvani pak ditë para zgjedhjeve të 25 prillit.

Pjerin Xhuvani mbeti i vrarë në Elbasan pasi u qëllua me armë nga Arbër Paplekaj, shoqëruesi i kreut të listës së Partisë Demorkatike, Gazmend Bardhi, vetëm pak ditë para zgjedhjeve parlamentare të 25 prillit. Prokurorët e çështjes Ritvan Suka dhe Platin Alicka pushuan akuzat për armëmbajtje pa leje, tentativë vrasje të punonjësve të policisë, vjedhje me dhunë dhe heqje e paligjshme e lirisë për Arbër Paplekaj. Po ashtu akuzat u pushuan edhe për heqjen e paligjshme të lirisë për të gjithë anëtarët e strukturës për mbrojtjen e votës, Arjan Hoxha, Erjon Demushi.

Nga ngjarja e 21 prillit 2021, të plagosur mbetën edhe katër persona të tjerë, Emiljan Prenga, Pavlo Vuksani, Eltjon Bodinaku dhe Xhensila Sota ( punonjëse e policisë). Paplekaj pranoi krimin dhe u vetëdorëzua në Repartin e Forcave RENEA në Tiranë duke thënë se qëlloi për vetëmbrojtje, pasi u qëllua më parë nga persona që sipas tij po blinin vota. Ngjarja zbuloi edhe skandalin e PD-së për ngritjen e një grupi të armatosur, të vetëshpallur Struktura për Mbrojtjen e Votës, ku një pjesë e mirë e anëtarëve të së cilës rezultuan persona të njohur edhe për strukturat ligjzbatuese në vend. Këtë e bëri publik me zë dhe me figurë Sekretari i Përgjithshëm i Partisë Demokratike, Gazment Bardhi duke bërë me dije se Arbër Paplekaj që vrau Xhuvanin te paarmatosur, ishte pjesë e kësaj strukture.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Shkodra: 14/09/2022 14:09

    Ky krimineli papleka duhet te bej burg perjet se i ishte rrit shum mendja kohet e fundit tu ju ra ne qaf njerezve . Ka vrare nje njeri pa arme ne dore dhe ka plagos disa tjere. Burg perjet qenit

    Përgjigju
    • Shkodran kar: 14/09/2022 19:45

      Kokrra k**** prej shkodres kur sdi gja mos ha m****

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Pesë pyetje për 2025-ën

Pesë pyetje për 2025-ën

26 Dhjetor, 08:23