POP 5

Lajmet më të lexuara të 5 minutave të fundit

Kronikë

Vrasja e Pjerin Xhuvanit, Prokuroria e Elbasanit kërkon dëshminë e deputetit Gazment Bardhi, rrëzohet nga Gjykata

Numri 2 i Partisë Demokratike, Gazment Bardhi nuk do të dëshmojë për vrasjen e eksponentit të Partisë Socialiste, Pjerin Xhuvani, pavarësisht se ishte i pranishëm në vendin e ngjarjes.

Vrasja e Pjerin Xhuvanit, Prokuroria e Elbasanit kërkon dëshminë e deputetit Gazment Bardhi, rrëzohet nga Gjykata

Arber Paplekaj, Gazment Bardhi dhe Pjerin Xhuvani

ELBASAN-  Numri 2 i Partisë Demokratike, Gazment Bardhi nuk do të dëshmojë për vrasjen e eksponentit të Partisë Socialiste, Pjerin Xhuvani, pavarësisht se ishte i pranishëm në vendin e ngjarjes.

Prokuroria kërkoi në seancën e kësaj të marte të thirret në cilësinë e dëshmitarit, por Gjykata e Elbasanit e rrëzoi kërkesën. Sipas trupit gjykues, Bardhi mund të ishte thirrur më herët, por përderisa nuk është përfshirë në hetim, nuk do të thirret në këtë moment të gjyqit.

Bardhi, në atë kohë ishte drejtues politik i Partisë Demokratike për Elbasanin dhe ka qenë i pranishëm në momentin kur ndodhi konflikti i armatosur me pasojë vdekjen e Pjerin Xhuvanit. Në bankën e të akuzuarve sot është ish-efektivi i RENEA-s, Arbër Paplekaj, i cili në zgjedhjet e 2021-shit ishte bërë pjesë e strukturës së paligjshme të mbrojtes së votës. Ai qëlloi Xhuvanin pas një konflikti mes militantëve të dy palëve për blerjen e votave.

Pjerin Xhuvani mbeti i vrarë në Elbasan pasi u qëllua me armë nga Arbër Paplekaj, shoqëruesi i kreut të listës së Partisë Demorkatike, Gazment Bardhi. Nga ngjarja e 21 prillit, të plagosur mbetën edhe katër persona të tjerë, Emiljan Prenga, Pavlo Vuksani, Eltjon Bodinaku dhe Xhensila Sota ( punonjëse e policisë).

Paplekaj pranoi krimin dhe u vetëdorëzua në Repartin e Forcave RENEA në Tiranë duke thënë se qëlloi për vetëmbrojtje pasi u qëllua më parë nga persona që sipas tij po blinin vota. Ngjarja zbuloi edhe skandalin e PD-së për ngritjen e një grupi të armatosur, të vetëshpallur Struktura për Mbrojtjen e Votës, ku një pjesë e mirë e anëtarëve të së cilës rezultuan persona të njohur edhe për strukturat ligjzbatuese në vend. Këtë e bëri publik me zë dhe me figurë Sekretari i Përgjithshëm i Partisë Demokratike, Gazment Bardhi duke bërë me dije se Arbër Paplekaj që vrau Xhuvanin të paarmatosur, ishte pjesë e kësaj strukture.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 29/03/2023 01:02

    Drejtesia jone qe vetem drejtesi nuk eshte, gjen gjithemone arsyetime e justifikime qesharake per t'i ruajtur politikanet tane nga marrja ne pyetje,pergjegjesia,apo veteinkriminimi.Nje pyetje kam:Do t'a ndalonte gjykata Bardhin te deshmonte, sikur te ishte thirrur si deshmimtar per mbrojtjen dhe jo per prokurorine, me te njejtin justifikim?

    Përgjigju
  • Ledi: 28/03/2023 18:42

    Gjykata hedh poshte ketkeden e prokurorise per te deshmuar Gazmend Bardhi ! Ai ka qene deshmitar okular ne vrasjen e Xhuvanit dhe duhet te ushte i oandehur se ka penguar arrestimin ne flagrance te ekzekutorit qe i perkiste oaramilitareve te PD.

    Përgjigju
  • Gjergj: 28/03/2023 15:39

    Gjyqtari ka plotèsisht tè drejtè. Prokuroria i pati tè gjitha liritè dhe mundèsitè ligjore pèr ta pèrfshirè zotèrinè nè hetime por NUK E BÈRI. Sot, papritur dhe pa asnjè efekt juridik pèr çèshtjen Paplekaj, kèrkoka dèshminè e tij. Paaftèsi profesionale,,tallje institucionale apo karagjozllèk nènshtrimi para politikès? E ke tè vèshtirè si vèzhgues, tè quash drejtèsi, njè proçes qè qysh nga fillimi nuk pèrfshin nè hetim ORGANIZATORÈT E STRUKTURAVE PARALELE TÈ ARMATOSURA. Paplekaj dhe Bardhi janè njè. I dyti, e dèrgoi tè parin nè vèndin e ngjarjes. Pèr çfarè e dèrgoi tè armatosur?

    Përgjigju
  • e drejta: 28/03/2023 13:22

    Bardhi duhet te jete i pandehur dhe jo deshmitar...krimineli si gjithe te PD

    Përgjigju
  • Arbëri: 28/03/2023 11:45

    Është prokurori që vendos për dëshmitar e jo gjykatsat kriminel ordiner…!

    Përgjigju
    • Italja si moter: 28/03/2023 14:40

      I pari qe duhet te arestohet eshte bardhushja qe ngriti strukturat paralele per mbrojtjen e votes ,kesaj i thone qe gjykatat jane te koruptuar ska te drejte gjykata te thote eshte e drejte apo e gabuar bardhushja duhet te arestohet per urdhrat qe ka dhene .

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Ylli Pata: Legjendat elektoralo-amerikane të Sali Berishës

Ylli Pata: Legjendat elektoralo-amerikane të Sali Berishës

25 Dhjetor, 20:00 nga Ylli Pata