POP 5

Lajmet më të lexuara të 5 minutave të fundit

Kronikë

Vrasja e policit me plumb në kokë/ Ardi Veliu letër ngushëllimi homologut malazez! Luhet ndeshja me misionin e veçantë (VIDEO)

Drejtori i Policisë së Shteti Ardi Veliu përmes një letre ngushëllimi, për vrasjen e punonjësit të policisë Kufitare Milutin Lekovic, i ka shprehur Drejtorit të Përgjithshëm të Malit të Zi, Veselin Veljović ndjenjën e thellë të trishtimit të gjithë Policisë së Shtetit.

MAL I ZI- Drejtori i Policisë së Shteti Ardi Veliu përmes një letre ngushëllimi, për vrasjen e punonjësit të policisë Kufitare Milutin Lekovic, i ka shprehur Drejtorit të Përgjithshëm të Malit të Zi, Veselin Veljović ndjenjën e trishtimit të gjithë Policisë së Shtetit, solidarizimin dhe mbështetjen për të luftuar së bashku fenomenet kriminale, dhe në veçanti ata që ngrenë dorë mbi zbatuesit dhe ruajtësit e ligjit. 

Në shenjë solidariteti e mbështetjeje dhe në nderim e kujtim të ish-kolegut në Policinë Kufitare të Malit të Zi, Milutin Lekovic, në Tivar u zhvillua një ndeshje miqësore ndërmjet ekipit "Volley Police" Albania  dhe një grupi vajzash të ekipit "GALEP".

Para ndeshjes u mbajt një minutë heshtje në nderim të punonjësit të Policisë, me moton "Nuk të harrojmë" 

Kjo ndeshje u vlerësua shumë nga ana e kolegëve të Policisë së Malit të Zi, për faktin se bashkëpunimi i Ipa Albania me ekipin "Volley Police" po i kalon pritshmëritë e Policimit në Komunitet duke u bërë shembull i mirë i fqinjësisë dhe bashkëpunimit të ndërsjellë, gjë që do të rrisë edhe më shumë rezultatet në punë, siç është lufta për parandalimin e krimit të organizuar etj.

Presidenti i Ipa Albania Skënder Doda, njëkohësisht dhe Drejtor i Menaxhimit dhe Drejtimit në Policinë e Shtetit, falënderoi për mikpritjen homologët Snezana Babovic, Vladan Gjurishiqsi e Dejan Rakovic dhe gjatë një interviste të dhënë në radio 'Bari' shprehu edhe njëherë në emër të Policisë së Shtetit ngushëllimet e sinqerta për vrasjen e Lekovic.

Ngjarja e rëndë ndodhi rreth një javë më parë në qytetin bregdetar Igalo rreth 5 km larg kufirit kroat, ku sipas hetimeve paraprake, policin e ka qëlluar me një plumb në kokë një nga djemtë e të moshuarës, Luan Hasanaj 43 vjeç. Nëna, Nure Hasanaj dhe dy djemtë Luan dhe Lulëzim Hasanaj 49 vjeç, dyshohet se kaluan në këmbë kufirin nga Kosova për në Mal të Zi. Ata u ndaluan nga autoritetet e kufirit për shkak se ishin pa dokumente identifikimi. Të tre u morën me një makinë policie për t'u shoqëruar në komisariatin e Policisë së Herceg Novit.

Në këtë moment, rreth 5 kilometra nga kufiri kroat, Luan Hasanaj ka nxjerrë nga një qese, të cilën e mbante në dorë armën e zjarrit dhe ka qëlluar në kokë policin që ishte në makinë, 41- vjeçarin Millutin Lekoviq, malazez, i cili ndërroi jetë në spitalin e Risanit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Sa i përhapur është korrupsioni në Shqipëri?

Lajme të tjera



×

Lajmi i fundit

Macron i përmend Kurtit Asociacionin teksa flet për rrugën e Kosovës në Këshillin e Evropës

Macron i përmend Kurtit Asociacionin teksa flet për rrugën e Kosovës në Këshillin e Evropës

23 Prill, 22:58