POP 5

Lajmet më të lexuara të 5 minutave të fundit

Kronikë

Vrasja e rapsodit dhe mikut të tij, del ekspertiza e armëve të krimit në ngjarje: U përdorën nga 2 persona! Në burg ndodhen dy vëllezërit Përdoda  

Kallashnikovët e gjetura në pyll janë përdorur në vrasjen e rapsodit Kol Murrani dhe mikut të tij Preng Simoni nga dy persona. Në burg dy vëllezërit Përdoda, por vetëm njëri ka pranuar krimin, tjetri refuzon të pranojë se është i përfshirë në ngjarje.

LEZHË-Dy armët e zjarrit automatike të gjetura të groposura në fshatin Lalm Lukaj të Lezhës janë përdorur në vrasjen e rapsodit Kol Murrani dhe mikut të tij Preng Simoni, ngjarje e ndodhur në muajin Prill të vitit 2020. Kjo është provuar pas ekzaminimeve në laborator, ndërsa armët janë përdorur nga dy persona. Njëri është Edmond Përdoda, i cili e ka pranuar autorësinë e krimit të dyfishtë, ndërsa personi tjetër dyshohet të jetë vëllai i tij Aleksandër Përdoda.

Personat e akuzuar janë njohur nga prokuroria me aktin e ekspertimit të armeve, por Aleksandër Përdoda ka mohuar në vazhdimësi të ketë lidhje me ngjarjen. Rapsodi Kol Murrani dhe miku i tij Preng Simoni u gjeten të vrarë me armë zjarri më 27 prill të vitit 2020, pranë shtëpive të tyre të vjetra në fshatin Lalm i Lukaj, të Njësisë Administrative të Kolshit.

Ata kishin shkuar në vendlindje që prej orëve të mëngjesit të asaj dite, por u përballën me persona të armatosur tek tokat e tyre, të cilët i qëlluan me armë zjarri. Trupat e viktimave janë lënë në pyll për rreth 5 orë dhe janë gjetur nga djali i Kol Murranit, që kishte dalë të kërkonte babanë me të cilin kishte humbur çdo kontakt prej orësh.

Nga veprimet hetimore dyshohet se krimi i dyfishtë ndodhi për çështje pronësie, por personi i cili ka marrë përsipër autorësinë e krimit Edmond Përdoda ka thënë se vrasjen e kishte kryer për çështje familjare pa dhënë asnjë arsye tjetër.

Edmond Përdoda

Aleksandër Përdoda

Dy viktimat Kol Murrani dhe Preng Simoni

I.K/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Veliaj pret sekretarin e Përgjithshëm të PostEurop: Tirana, qendër aktivitetesh të mëdha në 2025

Veliaj pret sekretarin e Përgjithshëm të PostEurop: Tirana, qendër aktivitetesh të mëdha në 2025

30 Janar, 08:20