'Vrapo! Mami ka vdekur!' Fëmijët gjetën të vrarë Klodianën në mes të rrugës! Detaje nga vrasja e shqiptares në Itali, në kërkim ish-bashkëshorti! Flet mikja: Ishte i dhunshëm, të gjithë e dinin

ITALI- Personi që shihni në foto është 44-vjeçari Alfred Vefa i dyshuar si autori i vrasjes së bashkëshortes së tij, Klodiana Vefës në Itali.

44-vjeçari është me profesion murator, çdo mëngjes ai shkonte për të pirë kafe në një lokal pesëqind metra larg shtëpisë që ndante me ish-bashkëshorten. Profili i tij në Facebook është praktikisht i paarritshëm, por jo gjithmonë ka qenë kështu: për shembull, ka foto me ish-partneren e tij të publikuara në vitin 2017, të cilat më pas u bënë private. Në atë foto kanë dalë familjarisht.

Alfredi dhe Klaudia nuk jetonin së bashku, por nuk ishin divorcuar ligjërisht. Ai jetonte në Castelfirentino prej vitesh, shumë pranë banesës së gruas së tij që jetonte me fëmijët.

Edhe vëllai i tij Artani jeton në një  fshat dhe nuk dëshiron të flasë për të dhe nuk di asgjë për të. Në fakt, burri i thotë italianes ‘Corriere’ se nuk ka pasur kontakt me të dhe familjen e tij prej gati dy vitesh.

 "Unë nuk kam pasur asnjë kontakt me të dhe familjen e tij për dy vjet."- tha ai.

Miqtë e tij janë të paktë. Janë ata që po përpiqen të gjurmojë policia për të kuptuar nëse mund të ketë ndonjë të dhënë se ku ndodhet ai tani. Ndaj tij ka precedentë të vegjël policorë : në vitin 2001 ai u denoncua për mosrespektim të lejes së qëndrimit dhe në 2014 një telash i vogël për një gjoja falsifikim në një marrëveshje private.

Formalisht burri jetonte në shtëpi së bashku me ish-gruan dhe fëmijët e tij. Përveç rasteve kur kishte momente tensioni: në ato raste, ai merrte makinën dhe largohej. Por se ku, askush nuk e di ende.

Një mik i viktimës e cilësoi atë si person të dhunshëm: në arkivat e policisë nuk ka asnjë provë për ndërhyrje në shtëpinë ku jetonin të dy. Dhe nuk ka asnjë ankesë nga gruaja .

Megjithatë, ka nga ata që e cilësojnë si një person të qetë. 

Klodiana Vefa u vra me tre plumba nga bashkëshorti i saj mbrëmjen e së enjtes në Itali. Alfred Vefa ishte larguar prej kohësh nga banesa pasi kanë pasur debate të vazhdueshme, por nuk ishin divorcuar ligjërisht. Çifti kishte dy fëmijë, 1 vajzë dhe 1 djalë, 14 dhe 17 vjeç, ndërsa shkak për tragjedinë dyshohet të ketë qenë xhelozia e Alfredit.

Klodiana kishte një faqe në Instagram në të cilën postonte vazhdimisht. Nëse lundron në vitet e shkuara gjenden dhe kujtime me Alfredin i cili kishte një tatuazh dedikuar gruas së tij “në zemrën time je vetëm ti amore”.

Ndërkohë dhe 35-vjeçarja nuk i kishte fshirë fotot me partnerin, pavarësisht situatës kohët e fundit.

Ka dhe komente që janë ende në Instagram-in e viktimës.

“Kush të do nuk dorëzohet kurrë për të të pasur,” – shkruante Klodiana.

“Një si ty nuk mund të mos e dashurosh përjetë,” – komentonte Alfredi.

Ky i fundit komentonte rregullisht në fotot e gruas, ndërsa së fundmi këto komente mungonin. Fatkeqësisht gjithçka u mbyll me vrasjen e Klodianës, ndërsa Alfredi është në arrati bashkë me armën e krimit.

Vrasja e Klodiana Vefës, shqiptares 35 vjeçare ka tronditur tërë komunitetin Italian në Castelfiorentino, në provincën e Firences.

 “Nëse një burrë pret që një grua të jetë një engjëll në jetën e tij, së pari duhet të krijojë parajsën për të. Sepse engjëjt nuk jetojnë në ferr”, shkruante nëna e dy fëmijëve pak javë më parë në profilin e saj në Instagram dhe sërish: “E njoh shumë mirë veten, jam prej betoni”

Ajo ishte 35 vjeçe dhe mbrëmjen e 28 shtatorit u qëllua për vdekje në rrugë në Castelfiorentino, në provincën e Firences.

Polici tashmë ka shpallur në kërkim ish bashkëshortin e saj, Alfred Vefa, i cili duket se është larguar me një Golf ngjyrë gri.

Në Itali jetonin prej 20 vitesh. Ai ishte murator, ajo punëtore dhe fundjavave kameriere në një piceri. Ishin ndarë prej kohësh ndonëse jo zyrtarisht.

Sipas disa të njohurve, ata ende jetonin nën të njëjtën çati. Mësohet se mes viktimës dhe autorit ka psaur një debat, në rrugën Galvani pak metra larg banesës.

Sipas dëshmitarëve autori do të kishte hyrë me shpejtësi në shtëpi për të marrë një armë dhe pasi ka zbritur në rrugë ka qëlluar armën.

 Burri do të kishte hyrë me shpejtësi në shtëpi për të marrë një armë dhe një herë në rrugë ai do të kishte hapur zjarr ndaj gruas. Çifti kishte dy fëmijë, një djalë 17-vjeçar që luante në një ekip lokal basketbolli dhe një vajzë 14-vjeçare. Ishte vajza më e vogël që ka parë për herë të parë nënën e saj të vdekur në rrugë dhe thirri të vëllanë që ishte në shtëpi. "Eja, nëna ka vdekur."

“Vrapo, Hajde, nëna ka vdekur”, këto ishin fjalët e vajzës së vogël të Klodiana Vefës, pasi gjeti nënën e saj të ekzekutuar në rrugë. Vajza e vogël lajmëroi vëllanë e saj 17 vjeç se mamaja e tyre nuk jetonte më.

Nëna e dy fëmijëve u ekzekutua me plumb në kokë mbrëmjen e 28 shtatorit 2023 në mes të rrugës. Policia dyshon se agresori ka qenë ish-bashkëshorti i saj. 

Vrasja u shënua pak metra larg shtëpisë ku banonte prej 20 vitesh me familjen e saj. Tashmë kanë nisur kërkimet për arrestimin e ish bashkëshortit, një murator që rezulton i zhdukur. Kërkimet shtrihen intensivisht në të gjithë zonën. Dyshohet se autori pasi kreu krimin, u largua me një golf gri të hapur duke marrë dhe amën me vete. Në vendngjarje u gjetën 2 plumba.