Tiranë- Teksa hetimet për vrasjen e mbrëmshme (24 Gusht) në “Astir” po vijojnë me intensitet nga Policia dhe Prokuroria e Tiranës, për të zbuluar dinamikën dhe motivet, ka dhënë dëshminë e parë në prani të hetuesve edhe i dyshuari i prangosur, Darmend Keli, 25 vjeç.
Pas një sherri me motive të dobëta, për shkak të ngacmimit të të dashurës së autorit të dyshuar, mbeti i vrarë me 4 goditje thike në trup (dy në gjoks dhe dy në këmbë), 34 -vjeçari Amarildo Hoxhallari, një emër i njohur për organet ligjzbatuese, për shkak të precedentit të vitit 2015, kur u akuzua bashkë me kushëririn Aurel (Altin) Hoxhallari, në kërkim, për organizimin e atentatit të dështuar ndaj Pajtim Serjanit, te “Rruga e Kavajës”.
Keli ka rrëfyer dhe këmbëngulur se ka qenë ngacmimi që Hoxhallari i ka bërë të fejuarës së tij (e dashura), që denigroi situatën dhe ka çuar deri në ngjarjen e rëndë.
![](https://shqiptarja.com/template/img/NO_ALFA_Kuadrate shqiptarja.png)
“Përcolla të fejuarën për tek parkimi dhe u ngjita për në shtëpi. Kur dola në ballkon, pashë që një motor po e ndiqte dhe personi po fliste duke e ndjekur paralel makinën. I fola nga ballkoni dhe më pas zbrita. Aty Amarildo Hoxhallari më ofendoi dhe më goditi fizikisht. Pas përplasjes me të, në një moment e godita me thikën që e kisha marrë nga shtëpia, në gjaknxehtësi dhe sipër. Ka qenë sherr i momentit dhe jo i paramenduar, nuk kam pasur qëllim vrasjen e tij”, ka dëshmuar ai ndër të tjera, duke u mbrojtur.
Policia e arrestoi Kelin pak minuta pas krimit dhe sekuestroi sende të ndryshme si prova materiale, kurse çështja po ndiqet nga Prokuroria, aktualisht me akuzat “vrasja me dashje” dhe “prodhimi, mbajtja apo shitja pa leje e armëve të ftohta”.
Në njoftimin zyrtar të ditës së sotme, Policia e Tiranës sqaron mes të tjerash, se viktima në momentin e konfliktit shoqërohej nga i ndaluari tjetër A.M., 33 vjeç, që e drejtonte motorin e tij në gjendje të dehur. Ai është ndaluar për "drejtim mjeti në mënyrë të parregullt", kurse hetimet për krimin e rëndë mbeten ende aktive.
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Bravo mor djale. I tregove vendin atij zagarit.
PërgjigjuShumë mirë ja ka bo plerës sepse është më problematiku në zonë....qelbësira në ferr shkoftë...
PërgjigjuGACMOJN FEMRAT NË MES TË RRUGES PA PIKË PËRFLLSHMËRIE NGA NERZIT QË I RRETHOJNË DHE ME PAPAQ... MERITOI ATË QË KËRKOI... TË LUMT DORA MORE DJALË.... ESHTË E DYTA VRASJE BRËNDA JAVËS PËR NDESHMËRI.... DO ZOTI ZEN MEN TË TJERËT E TSHIKOJNË GRAT QË KANË NË SHPI...
PërgjigjuAsnjeri nuk ka besim te shteti, te gjithë ne vetëgjyqësi.
PërgjigjuPrerja e marredhaneve nga ana e Kines I ngjan zagarit qe te leh mas shpines!
Përgjigju