Tiranë- Pak orë pas ngjarjes së rëndë të ndodhur dje (8Gusht) në azilin privat të të moshuarve “Ruaje Moshën” në Tiranë, ku historiani dhe shkrimtari Zyhdi Shehi, 78 vjeç, ka goditur disa herë me bastun hekuri në kokë shokun e tij të dhomës, Virxhil Vesho, 82 vjeç, Policia zbulon edhe detaje të reja nga dinamika e krimit të cilësuar si “vrasje me dashje”.
Arrestimi i autorit të dyshuar, që besohet se veproi në gjaknxehtësi pas një grindje me motive të dobëta për zënien e krevatit, grupi hetimor ndaloi edhe dy punonjëset e azilit, pasi akuzohen se fshehën të vërtetën.
Referuar po hetimeve dhe zhvillimeve të pasngjarjes, janë zbuluar edhe emrat e dy infermiereve të ndaluara nga policia; Nazime Mulla dhe Glesantina Saraçi. Hetimet po i ndjek më tej Prokuroria e Tiranës, teksa po verifikohen kamerat e sigurisë dhe mblidhen dëshmitë.
“Në vijim të veprimeve hetimore të thelluara të kryera u arrestuan shtetaset G. S., 26 vjeçe, dhe N. M., 31 vjeçe, të dyja banuese në Tiranë, me profesion infermiere në azilin ku akomodoheshin dy të moshuarit”, njoftoi zyrtarisht policia e kryeqytetit.
Dhe më tej sqarohet edhe arsyeja e ndalimit, vepra penale dhe se hetimet mbeten ende aktive.
“Nga hetimi i kryer u siguruan prova të mjaftueshme, që krijojnë dyshimin e arsyeshëm se dy të arrestuarat në bashkëpunim me njëra-tjetrën, kanë konsumuar veprën penale "veprime që pengojnë zbulimin e së vërtetës”, parashikuar nga neni 301/25 i Kodit Penal. Këto dy shtetase nuk kanë njoftuar organet kompetente për ngjarjen e ndodhur si dhe kanë kryer veprime që pengojnë zbulimin e së vërtetës”.
Nga provat e deritanishme dhe dyshimet e arsyeshme të ekspertëve, "dy infermieret nuk kanë marrë në telefon policinë, por një agjenci funerale". Në polici ato kanë pretenduar se "nuk e kanë kuptuar që Zyhdi Shehi kishte vrarë Virxhil Veshon, por sipas tyre kanë menduar se është rrëzuar dhe i ka ardhur vdekja aksidentalisht" dhe jo nga dhuna e ushtruar nga shoku i dhomës së azilit.
Krimi i rëndë ndodhi mëngjesin e djeshëm në lagjen “Ali Demi”, teksa autori i dyshuar Zyhdi veshi është një emër i njohur në fushën e Historisë dhe Letërsisë, i nderuar me medaljen “Naim Frashëri” për punën e kryer në arsim dhe “Qytetar Nderi” i Kavajës për hulumtimet historike. Autoritetet ligjzbatuese njoftuan se të dy të moshuarit vuanin nga skleroza.
E mbështollën me çarçaf dhe e çuan viktimën në agjencinë funerale: Kujtuam se ishte rrëzuar
Të marra në pyetje në mënyrë më intensive pas zbulimit të rastit nga Policia, infermieret kanë këmbëngulur se nuk e kanë kuptuar aspak se ishte vrasje dhe as u ka shkuar në mendje se mund të kishte ndodhur diçka e tillë.
“Menduam se ishte rrëzuar dhe kishte vdekur kur e gjetëm”, janë shprehur ato.
Më tej e kanë mbështjellë trupin me çarçaf dhe e kanë dërguar te agjencia funerale për procesion mortor, (larje, pastrim dhe veshje), por agjencia kur ka vënë re hematomat nuk ka marrë përsipër vijimin e procedurës.
Trupi i viktimës është rikthyer sërish në azilin privat dhe i është kërkuar të njoftohet policia. Kurse grupi hetimor pasi ka bërë këqyrjen e parë në vendngjarje, verifikoi edhe kamerat e sigurisë, nga ku zbuloi se bëhej fjalë për një krim. Kjo provë ka çuar edhe në ndalimin e dy infermiereve, që po presin daljen për masë sigurie në Gjykatën e Tiranës, sepse kanë ndjekur procedurën e gabuar dhe duhet të kishin njoftuar menjëherë sapo panë trupin e gjakosur.
Por dy të dyshuarat sërish kanë mohuar të kishin dijeni për vrasjen, duke thënë se edhe për shkak të moshës së thyer të viktimës (82 vjeç), nuk u ka shkuar aspak në mendje se mund të ishte vrasje, përveç rrëzimit aksidental. Do të jenë hetimet e mëtejshme të prokurorit dhe Gjykata, që do vlerësojë statusin penal dhe nëse të dyshuarat kanë kryer shkelje me vetëdije.
Komente
Lajme të tjera
-
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Tiranë/ Policia po zhvillon operacion kundër lojërave të fatit, kapen disa persona
22 Nëntor, 21:19 -
Vrasja e Martinit/ Gjendet pranë Gjykatës së Apelit thika, me të cilën u kry krimi! Bashkë me të edhe çanta e shkollës e 14 vjeçarit të arrestuar si autor
22 Nëntor, 21:09 -
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30 -
Gruas i duhet të pastrojë vetë pusetën për të shpëtuar nga përmbytja! Shikoni videon tek 'Myslym Shyri' në Tiranë (VIDEO)
22 Nëntor, 18:23 -
Tiranë/ Plagosja e 20-vjeçarit në 'Qytetin Studenti', arrestohet 19-vjeçari nga Kamza! Nën hetim edhe personi që i shiti thikën
22 Nëntor, 15:46 -
Vrasja e Klaudio Prendit/ Ishte në kafe me 3 policë, njëri ndoqi mjetin e autorëve pas ekzekutimit! Vrasësit me 'Audi A4' vëzhguan zonën para krimit
22 Nëntor, 10:47 -
Vrasja e Martinit, 'arrest me burg' 14 vjeçarit, gjyqi mbahet në spital! I mituri s'tregon ku fshehu thikën: S'mbaj mend çfarë ndodhi! Hetohet kush e ndihmoi
22 Nëntor, 09:36
Ja ka zënë krevatin në 4 të mjesit??!!
Përgjigju