Vrasja në Fier, dëshmia e 39-vjeçarit: Gruaja më thoshte sa kënaqej me të dashurin e ri, Xhimi vinte te puna më bënte karshillëk

Xhuliano Miho, që vrau një natë më parë partnerin e gruas, me të cilën ishte në proces divorci, pretendon se sulmin e nisi vetë viktima, 23-vjeçari Xhimi Bakaj.

39-vjeçari, i cili punonte në një lavazh, në dëshminë e tij në polici, është shprehur se biçaku ka qenë i viktimës dhe ai thjesht është mbrojtur gjatë përplasjes fizike mes tyre.

“Gruaja më merrte në telefon dhe më thoshte se po kënaqej me të dashurin e ri, më kërkonte para për fëmijët. Edhe Xhimi më vinte te puna dhe më bënte karshillëk”, është shprehur autori i dyshuar, raporton TCH.

Shkak për vrasjen e të riut dyshohet se është bërë divorci mes autorit dhe bashkëshortes me të cilën ka dy fëmijë. Kjo e fundit kishte disa muaj që ishte larguar nga banesa bashkë me fëmijët dhe bashkëjetonte me 23-vjeçarin. Autori e ka takuar në rrugë viktimën dhe pas një debati e ka qëlluar tri herë me thikë.

Pas ngjarjes, 39-vjeçari është vënë në pranga, ndërsa grupi hetimor po punon për sqarimin e rrethanave dhe dokumentimin ligjor të rastit.

Lajmi kryesor:

U qëllua me thikë nga ish-bashkëshorti i të dashurës, ja kush është i riu që u vra! Momenti i arrestimit të autorit dhe dëshmia në polici (FOTO+ VIDEO)

M.Q./Shqiptarja.com

TAG:
• Xhulian Miho
• Xhimi Baka
• Fier