Babai i Vladimir Kurtit, 28-vjeçarit që u arrestua si i dyshuar për vrasjen gjatë grabitjes të tregtarit Agim Buci dhe plagosjen e bashkëshortes së tij, kërkon falje. I përlotur, Petrit Kurti thotë se e ka mohuar të birin. Madje e quan ish-djalë, pasi thotë se nuk është më djali i tij.
I vetëdijshëm që nuk ka fjalë që të ngushëllojë familjen Buci, ai sërish i kërkon falje. Petrit Kurti thotë se po tenton të ndërmjetësojë me familjen e Agim Bucit, që t’i shkojë për ngushëllim, por deri tani nuk e ka marrë askush përsipër, pasi është i vetëdijshëm që ngjarja është shumë e rëndë.
Ndërsa për të birin thotë se kërkon dënim maksimal. Madje i drejtohet Presidentit, Kryeministrit dhe kryetarit të Kuvendit që të rishikojnë ligjin dhe të kthehet dënimi me vdekje. E ky ligj, ai kërkon që të zbatohet së pari me djalin e tij.
“Ne nuk jemi kështu. Nuk kemi qenë kurrë. Po rrisim mostra”, shprehet babai i Vladimir Kurtit. I tronditur për atë që i ndodhi familjes Buci dhe që shkaktar i asaj ngjarjeje është djali i tij, Petrit Kurti thotë se i mirëkupton ata edhe nëse nuk e pranojnë faljen e tij.
Ndonëse të dyja familjet janë nga Mati, madje banojnë thuajse në të njëjtën zonë, babai i Vladimir Kurtit thotë se nuk e njihte më parë familjen Buci. Për këtë arsye po tenton të ndërmjetësojë me persona që ka njohje të përbashkëta me atë familje, në mënyrë që të shkojë për ngushëllim në familjen e tyre.
Vladimir Kurti së bashku me shokun e tij Ruzhdi Hode tentuan të grabisin marketin e Agim Buci, por gjatë përleshjes e vranë, ndërsa gruan e tij e plagosën. Autorët u kapën pas dy ditësh nga policia duke pranuar krimin. Vrasjen e kreu Vladimir Kurti, ndërsa Ruzhdi Hode ishte bashkëpunëtor./ Panorama
Komente
Lajme të tjera
-
Dosja e Dan Hutrës/ Pse donte të vriste ish gruan? Autori i 3 vrasjeve nuk pranonte fëmijën me Elena Hysën, hoqi unazën para familjes
4 Mars 2023, 14:42 -
Detaje të reja nga dëshmia e vrasësit, Dan Hutra: Kisha qëllim të vrisja vëllain e Vladimir Kurtit! 40 vjeçaren në Astir doja ta godisja me thikë në fyt
2 Mars 2023, 10:56 -
Vrau shitësin e marketit në Kamëz në sy të fëmijës 6 vjeç në tentativën për t'i vjedhur xhiron ditore, dënohet me burgim të përjetshëm Vladimir Kurti! 26 vite për shokun e tij
21 Shkurt 2022, 14:22 -
Dosja/ Vrasja e bujshme e Agim Bucit, nga grabitje në deklaratat për vrasje me pagesë! Çfarë deklaroi i në sallën e gjyqit penduari i drejtësisë: Mora 30 mijë euro
14 Shkurt 2022, 17:32
"Cfar ta ben femija, sta ben as perendia" thote nje fjale e urte.
PërgjigjuNe hall te math je o zotri e kete e shohim ne syt e tu por duhet ta kishe rritur pak me mire femijen tend e dim ckohe kan ardhur dhe si rriten tani por ne dark ne familie vinte ky derdiment
PërgjigjuKusn eshte ai prind qe nuk do ta rrisi femine e tij qe te behet me i miri? Nuk eshte ceshtje deshire. Secili nga ne ka kufizimet e veta qe nuk varen nga ne por nga zgjedhjet e detyruara qe marrin gjate rritjes, edukimit, dhe jetes se perditshme. Kufizimet ekonomike qe nuk varen nga ne. Kufizimet kulturore qe i trashegojme nga brezat paraardhes. Kufizimet nga mentaliteti i perditshem qe e bejme per te detyruar per te bashkejetuar ne komunitetin ku jetojme, pallatin, lagjen, fshatin, qytetin.
Dhimbja e nje prindi,lotet qe ai leshon per humbjen e 1-nje jete t'pafajshme por dhe humbjen e dalit t'vet tashme eshte 1-nje dhimbje e dyfisht per zoterin ne fjal
PërgjigjuNga te rrallet prind ne Shqiperi qe denojne veprimet e femijes se vet dhe kerkon denimin e tij maksimal. Ne me te shumten e rasteve kriminale familjaret jane bere pale ne mbulimin e krimeve te femijeve te tyre duke nxjerre ne rruge kriminele edhe me te rrezikshem se me pare. Kjo familje e meriton nje shanc per falje, djali le te vuaj pasojat e asaj qe beri.
PërgjigjuSi cdo prind, edhe babai i vrasesit te ndjerit Buci, denon ate qe bejne te gabuar femijet. Por mohimi i femijes tend eshte nje gje qe nuk behet. Dhe familja Buci duhet te kuptoje qe mohimi i femise nuk behet ne asnje rast pervecse duhet mbajtur qendrim mohues, i perjetshem dhe i palekundur ndaj veprimit te tyre nga cdo prind. Ngushellime familjes Buci.