KAMEZ-Një javë pas vrasjes uniformat blu vijojnë që të patrullojnë zonën ku ndodhet familja Kurti. Kryefamiljari Petrit Kurtit i trembet një hakmarrje nga familja Buci, pasi djali i tyre vrau Agim Bucin në datë 24 gjatë tentativës së grabitjes së marketit.
Report Tv ishte sot në familjen Kurti në Kamëz, brenda në banesë ishin vetëm gratë, ndërsa kryefamiljari Petrit Kurti qëndron te të afërmit e tij për t’iu shmangur ndonjë konflikti dhe hakmarrje të mundshme. Policia vijon patrullimin duke qëndruar pranë zonës ku banon familja Kurti.
Report Tv mëson se djali i familjes Kurti, Vladimiri, që u arrestua për vrasjen ishte i dhunshëm, ndërsa ishte denoncuar 5 herë. Petrit Kurti ka deklaruar në polici se ishte shumë e vështirë që të bisedonte me djalin, pasi ishte i dhunshëm, ndërsa shtoi se duhet të dënohet me vdekje për krimin.
Djali ishte i dhunshëm, kishim një marrëdhënie të acaruar, ishte e vështirë që të bisedohej. Kemi pasur debate në familje, nuk ka munguar edhe dhuna. Mbajeni në burg dhe dënojeni me vdekje për krimin që ka bërë
Petrit Kurti në polici
Pas ngjarjes, Petrit Kurti ka shkuar për të takuar djalin në polici, ndërsa Vladimiri ka mohuar fillimisht që të kishte lidhje me ngjarjen duke deklaruar se është i pafajshëm. Pas disa orësh, policia e liroi Kurtin duke e futur në kurth, pasi ky i fundit kur doli foli me bashkëpunëtorin Rushdi Hoda duke i kërkuar që të fshehë provat. Policia i kishte nën përgjim, ndërsa shkoi përsëri në familjen e Kurtit duke e arrestuar, ndërsa sot i la në burg.
Lajme të tjera
-
Detaje të reja nga dëshmia e vrasësit, Dan Hutra: Kisha qëllim të vrisja vëllain e Vladimir Kurtit! 40 vjeçaren në Astir doja ta godisja me thikë në fyt
2 Mars 2023, 10:56 -
Vrau shitësin e marketit në Kamëz në sy të fëmijës 6 vjeç në tentativën për t'i vjedhur xhiron ditore, dënohet me burgim të përjetshëm Vladimir Kurti! 26 vite për shokun e tij
21 Shkurt 2022, 14:22 -
Dosja/ Vrasja e bujshme e Agim Bucit, nga grabitje në deklaratat për vrasje me pagesë! Çfarë deklaroi i në sallën e gjyqit penduari i drejtësisë: Mora 30 mijë euro
14 Shkurt 2022, 17:32
