Të dy punonin në një shtëpi botuese në Tiranë, kur u njohën për herë të parë. Ishte vendi ku lindi dashuria, frut i së cilës do të ishin më vonë 1 djalë dhe 1 vajzë, sot 4 dhe 2 vjeç. Migena Sinani (Kodra), 37 vjeçe dhe Erjon Sinani, 45 vjeç, ishin çifti i lumtur, që mes halleve e problemeve, po ia dilnin pak nga pak të ndërtonin jetën me të vegjlit e tyre. Por, për të dy ishte rezervuar një tjetër fat. Kur kishin mbetur vetëm 5 ditë që bashkëshortja të mbushte 37 vjeç dhe do festonin si çdo ditëlindje tjetër, një telefonatë pak pasi kishte kaluar ora 04:00 e mëngjesit të 8 prillit, do e trondiste Erjonin. Migenën e kishin vrarë! Si çdo natë, ai punonte deri në orët e mëngjesit si taksist për të siguruar bukën e gojës. Drama për 45-vjçarin do të thellohej më shumë kur i thanë se autor i ngjarjes ishte i vëllai, Roland Sinani, i cili pas aktit barbar doli në oborrin e banesës dhe me një plumb qëlloi veten poshtë nofullës.
Në familjen e Migenës në Lundër janë hapur dyert e mortit. Report Tv takoi nga afër familjarët, të cilët janë tronditur nga ngjarja. Jashtë kamerës ata thanë se prej disa kohësh çifti i bashkëshortëve nuk fliste me Rolandin, edhe pse jetonin në të njëjtën banesë, për shkak të konflikteve që sillte prej problemeve me shëndetin mendor. Familjarët e Rolandit, përfshirë të vëllain, Erjonin, dhe prindërit Gëzim dhe Ikbale Sinani, u thanë hetuesve se gjendja psikologjike e tij në ditët e fundit ishte rënduar së tepërmi, nuk duronte më as zhurmat dhe të qarat e fëmijëve nëpër shtëpi. Hetuesit dyshojnë se e qara e vajzës së vogël 2-vjeçare, e cila në ditët e fundit ka qenë e sëmurë dhe me temperaturë, të ketë çuar 44-vjeçarin për të ndërmarrë aktin tragjik.
‘Jam zgjuar rreth orës 03:00 të mëngjesit të së shtunës dhe kam parë Rolandin të shtrirë në divanin e korridorit. I kërkova që të shkonte të flinte në dhomë. Pas kësaj jam shtrirë sërish dhe kur gati po më merrte gjumi kam dëgjuar një të shtënë arme dhe kam dalë me shpejtësi në korridor. Aty pashë Rolandin që më tha “E vrava!”. Kam hyrë në dhomën e nuses dhe kam marrë vajzën që ishte në krevat dhe kam njoftuar bashkëshortin. Pas dy minutash është dëgjuar një tjetër e shtënë arme. Në oborrin e shtëpisë Rolandi kishte vrarë veten.’- ka thënë nëna e Rolandit, Ikbale Sinani.
Në pyetje u mor edhe Gëzim Sinani, babai i Rolandit. Burri ka qenë kontradiktor në përgjigje, por hetuesit dyshojnë se kjo ka ndodhur për shkak se vuan nga skleroza. Gjithsesi, janë në pritje të ekspertizës për të parë nëse pistoleta që u gjet pas shtëpisë është çuar aty pas ngjarjes nga kryefamiljari ose jo. Dy të moshuarit u thanë hetuesve se nuk kishin dijeni se Rolandi kishte armë pa leje.
Erjon Sinani deklaroi para hetuesve se konfliktet me të vëllain kanë qenë për shkak të problemeve të tij me shëndetin mendor, shkak që është bërë që të dy të mos ndahen pasi kishte nevojë për përkujdesje. Madje ai ka treguar se kishte nisur të mblidhte para që të ndërtonte një shtëpi të re, një ambient më të madh ku të mund të jetonin të gjithë bashkë.
Komente
Lajme të tjera
-
Vetëvrasja e Mehmet Shehut para 43 vjetësh, dëshmia e ish-punonjëses së vilës: Kërkoi një kafe dhe një gotë ujë! Ngjarjen e mora vesh kur…
25 Dhjetor, 20:56
-
Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë
25 Dhjetor, 20:04
-
E rëndë në Kamëz, 55-vjeçari bie teksa punonte në pallatin në ndërtim, përfundon në spital! Hetime për shkaqet dhe kushtet e sigurisë
25 Dhjetor, 16:00 -
Festat sjellin trafik të rënduar në Tiranë, eksperti: Semaforët e shumtë bllokojnë qarkullimin, duhen mbikalime! Shoferët nuk zbatojnë rregullat
25 Dhjetor, 14:55 -
Stadiumi i ri 'Selman Stërmasi', në janar pritet prezantimi i projektit! Korporata Investimeve Shqiptare: Transformim për Tiranën
25 Dhjetor, 12:11 -
Në kërkim pas shpalljes non grata, Artan Grubi dyshohet se fshihet në Shqipëri! Dëshmia e biznesmenit: E dërgova me makinë deri në Tiranë
25 Dhjetor, 10:17 -
Sondazhi i Report Tv/ PS fiton Tiranën me 18 mandate, PD 11! 8 deputetë nga partitë e reja! Në Durrës socialistët fitore të thellë, marrin dhe Dibrën e Lezhën! Garë e fortë në Shkodër
25 Dhjetor, 07:51 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Magjia e Krishtlindjeve, qindra qytetarë shijojnë koncertin festiv në sheshin 'Skënderbej'! Veliaj: Kemi transformuar Tiranën
24 Dhjetor, 19:35 -
Vigjilja e Krishtlindjeve sjell trafik të rënduar në Tiranë e Vlorë, dyndje mjetesh në hyrje dhe dalje të kryeqytetit (VIDEO)
24 Dhjetor, 18:01 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Trafiku i rënduar, Report Tv sjell pamjet me dron, dyndje mjetesh në rrugët kryesore të Tiranës
24 Dhjetor, 16:19
Asnjë shtet në Europë nuk i mban më tepër se 10-15 ditë në spital të sëmurët mendor Rrinë në spital 2 javë dhe pastaj marrin mjekim në shtëpi . Kur janë në shtëpi duhen kontrolluar a i pinë ilaçet .Duhen kontrolluar gjithmonë
PërgjigjuMos i mbani ne shtepi te semuret mendor,,, ja se c'fare ju pret,,,bejini presion shtetit qe te ndertoje spitale per keta te semure.....shteti muk po ben asgje per te parandaluar keto drarma...shtet hajdut dhe maskara....
Përgjigju